web counter
LEXO PA REKLAMA!

SHKARKO APP

App Store
Google Play

Shpërndanin kanabis në doza/ Tre të arrestuar në Vlorë

15 Dhjetor 2024, 15:37, Kronika CNA

Shpërndanin kanabis në doza/ Tre të arrestuar në Vlorë

Policia e Vlorës ka arrestuar tre persona dhe ka shpallur në kërkim një tjetër pasi shpërndanin kanabis në doza.

Sipas njoftimit të policisë, bëhet me dije se tre të arrestuarit vepronin si grup, duke siguruar lëndën narkotike, të cilën më pas e ndanin në doza dhe e shpërndanin për shitje në qytetin e Vlorës.

Njoftimi i Policisë: 

"Finalizohet operacioni policor antidrogë i koduar “Ndalesa”. Arrestohen 3 shtetas dhe shpallet në kërkim një tjetër, që shpërndanin doza me lëndë narkotike në qytetin e Vlorës. Sekuestrohen doza me lëndë narkotike kanabis, peshore elektronike dhe aparate telefonike.

Seksioni për Hetimin e Narkotikëve të DVP Vlorë, në bashkëpunim me Forcën e Posaçme Operacionale në DVP Vlorë, pas një hetimi 8-mujor, të kryer me metoda speciale të hetimit dhe bazuar në informacionet e siguruara nga inteligjenca policore, ka finalizuar operacionin e koduar “Ndalesa”. Si rezultat, u arrestuan në flagrancë shtetasit: E. Q., 22 vjeç, banues në lagjen “Pavarësia”; B. K., 48 vjeç, banues në lagjen “Pavarësia”;  R. H., 43 vjeç, banues në lagjen “Isa Boletini”.

Gjithashtu, u shpall në kërkim shtetasi:  D. M., 28 vjeç, banues në lagjen “Pavarësia 2”.

Këta shtetas dyshohen se vepronin si grup, duke siguruar lëndën narkotike, të cilën më pas e ndanin në doza dhe e shpërndanin për shitje në qytetin e Vlorës.

Gjatë kontrollit të ushtruar ndaj këtyre shtetasve dhe në banesat e tyre, shërbimet e Policisë gjetën dhe sekuestruan disa doza me lëndë narkotike kanabis, një peshore elektronike të dyshuar për peshimin e lëndëve narkotike dhe 3 aparate celulare të përdorura për aktivitetin kriminal.

Vijon puna për kapjen e shtetasit të shpallur në kërkim, si dhe për identifikimin dhe vënien përpara përgjegjësisë ligjore të shtetasve të tjerë që mund të jenë të përfshirë në këtë veprimtari kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme."/CNA





Lajmet e fundit nga