web counter
LEXO PA REKLAMA!

SHKARKO APP

App Store
Google Play

Arrestimi i 14-vjeçarit që kishte armë/ Flet shoku: Nuk e mbante në shkollë

13 Dhjetor 2024, 15:53, Kronika CNA

Arrestimi i 14-vjeçarit që kishte armë/ Flet shoku: Nuk e

Pas arrestimit të një 14-vjeçari nga Policia e Vlorës, i cili u kap me një pistoletë, prindërit e nxënësve në shkollën "Rilindja" kanë shprehur shqetësimin dhe frikën e tyre për sigurinë e fëmijëve.

Ata theksuan se niveli i sigurisë në shkollë ka rënë dhe kërkuan masa më të rrepta për të garantuar mbrojtjen e nxënësve, duke sugjeruar që një patrullë policie të qëndrojë pranë shkollës gjatë orëve të mësimit dhe jashtë saj.

“Kemi frikë, siguria në shkollë ka rënë. Del fëmija nga shkolla nuk vjen në shtëpi se ta vret tjetri pa ardhur fare. Qëndroj me merak derisa vjen nga shkolla”, tha një prind.

Një shok i ngushtë i 14-vjeçarit të arrestuar ka sqaruar se ai nuk e mbante armën në shkollë, por vetëm gjatë xhirove jashtë, dhe se sapo morën vesh për arrestimin, ishin të gjithë të tronditur.

"E kam shok të ngushtë. Ndonjëherë na kontrollojnë çantat në shkollë. Nuk kishte shumë kohë që e mbante armën. Nuk ka ardhur asnjëherë me armë në shkollë”, tha shoku i të miturit.

Ky incident ka tronditur komunitetin dhe ka theksuar nevojën urgjente për përmirësimin e masave të sigurisë në shkolla. Prindërit kërkojnë veprime më të shpejta dhe të ashpra për të parandaluar raste të ngjashme dhe për të siguruar një mjedis më të sigurt për fëmijët./ CNA





Lajmet e fundit nga