web counter
LEXO PA REKLAMA!

SHKARKO APP

App Store
Google Play

Zhduket 16-vjeçari në Korçë/ Nëna e të miturit: Është larguar që të hënën

13 Dhjetor 2024, 15:59, Kronika CNA

Zhduket 16-vjeçari në Korçë/ Nëna e të

16-vjeçari nga Korça me iniciale A. A., pesë ditë më parë është larguar nga banesa pa njoftuar familjarët.

Ka qenë nëna e të miturit ajo që ka denoncuar rastin në polici, por kjo e fundit nuk ka rënë në gjurmët e 16-vjeçarit.

Nëna thotë se shkak i largimit të djalit nga shtëpia ka qenë njoftimi i prokurorisë së Korçës për përfundimin e hetimeve, për një procedim penal të nisur ndaj tij për vjedhjen e një celulari.

I mituri, sipas pohimit të nënës, është trembur dhe larguar nga shtëpia.

"Të hënën është larguar, nuk e di arsyen, por i erdhi fleta e gjyqit dhe ai u tremb. Ne e kemi kërkuar. Ditën e mërkurë kam bërë denoncimin. E kemi kërkuar te të gjithë njerëzit, por ende asgjë. Nuk e di ku mund të jetë, por mund të jetë jashtë Korçe. Njoftimi i gjykatës lidhet me një çështje për një telefon të vjedhur 8 muaj më parë. Kush e gjen të më telefonojë. Djali është në klasën e pestë", tha mamaja e të miturit./ CNA





Lajmet e fundit nga