web counter
LEXO PA REKLAMA!

SHKARKO APP

App Store
Google Play

Sherri që fundosi Plarent Dervishajn në Dubai/ Lala: I vunë thesin në kokë...

10 Shtator 2024, 10:26, Kronika CNA
Sherri që fundosi Plarent Dervishajn në Dubai/ Lala: I vunë
Gazetarja Klodiana Lala

Gazetarja Klodiana Lala tregoi të tjera detaje nga sherri që fundosi Plarent Dervishajn në Dubai.

Lala tha se pas sherrit në stadiumin e Dubait, shqiptari e denoncoi Dervishajn në polici.

Ajo deklaroi në një studio televizive se qeveria shqiptare kërkoi ekstradimin e tij.

Duke mos pasur marrëveshje ekstradimi, gazetarja zbuloi se Dervishajt i kanë shkuar në banesë me pretekstin se po i shpëtonin jetën, i kanë vënë thesin në kokë dhe e kanë dëbuar drejt Shqipërisë. 

"Një tjetër aksion, që nuk dua ta lë pa përmendur, ka të bëjë me dëbimin nga Dubai të Plarent Dervishajt. Është ndër aksionet më domethënëse për mënyrën se si është zhvilluar, ish-anëtar i bandës së Durrësit, i akuzuari kryesor për atentatin ndaj ish-prokurorit Arjan Ndoji dhe Rrumit.

Çfarë ka ndodhur? Pas një debati të fortë në stadiumin e Dubait, me një durrsak, personi shkon dhe e denoncon. Plarent Dervishaj shoqërohet. Qeveria dërgon dosje në Dubai ku thotë se Plarent Dervishaj përbën rrezik të theksuar kriminal sepse ka kërcënuar biznesmenë të huaj dhe zyrtarë të drejtësisë, duhet të sillet menjëherë. Duke mos pasur mundësi ekstradimi, një ditë të bukur i shkojnë në derë, e shqyejnë derën, i vënë thesin në kokë dhe i thonë, zotëri je në rrezik, automatikisht e dëbojnë në linjë direkte nga Dubai.

Kjo që them është vetëm maja e ajsbergut e asaj që ka ndodhur. Plarent Dervishaj është në përplasje me njërin nga personazhet më me ndikim në Qarkun e Durrësit. Gjërat me ardhjen e tij do të kenë trajektore tjetër", theksoi Lala./ CNA





Lajmet e fundit nga