web counter
LEXO PA REKLAMA!

SHKARKO APP

App Store
Google Play

Tentoi të kultivonte 62 bimë kanabis në Malësi të Madhe/ Vihet në pranga një 68-vjeçar

8 Shtator 2024, 10:38, Kronika CNA
Tentoi të kultivonte 62 bimë kanabis në Malësi të
Foto nga arrestimi

Policia ka kapur një person, i cili tentoi të kultivonte 62 fidanë kanabis në fshatin Shegan, në pronë publike.

68-vjeçari i identifikuar me inicialet Gj. K. është autor i kultivimit të 103 fidanëve kanabis në fshatin Gashaj më 24 gusht të këtij viti.

Arrestimi i tij është bërë në sajë të operacionit policor të koduar “Territor i pastër”.

Njoftimi i policisë:

Vijon me intensitet megaoperacioni “Territor i pastër”, kundër kultivimit të bimëve narkotike.

Tentoi të kultivonte 62 fidanë kanabis në fshatin Shegan, në pronë publike, kapet në flagrancë dhe vihet në pranga 68-vjeçari.

Ky shtetas dyshohet se është dhe autor i  kultivimit të 103 fidanëve kanabis të asgjësuara me datë 24.08.2024 në territorin e fshatit Gashaj.

Në vijim të megaoperacionit kombëtar të koduar “Territor i pastër”, shërbimet e Komisariatit të Policisë Malësi e Madhe, gjatë kontrollit të territorit në bashkëpunim me SPK Bajzë,  duke përdorur dronë për monitorim ajror, në njësinë Administrative Kastrat, në fshatin Shegan, kanë konstatuar të mbjella në tokë 62 fidanë të dyshuar kanabis.

Shërbimet e Policisë kanë organizuar punën për identifikimin e autorit.

Bazuar dhe në inteligjencën policore shërbimet e Policisë bënë të mundur kapjen dhe arrestimin në flagrancë të shtetasit Gj. K., 68 vjeç, banues në fshatin Shegan, i dyshuar si autor i kultivimit të 62 fidanëve kanabis, të cilat u asgjësuan nëpërmjet djegies.

Gjithashtu bazuar në hetime dhe inteligjencën policore dyshohet se  68-vjeçari është dhe autor i  kultivimit të 103 fidanëve kanabis të asgjësuara nga Policia me datë 24.08.2024 në territorin e fshatit Gashaj, Njësia Administrative Kastrat.

Vijon puna për identifikimin dhe kapjen e shtetasve të tjerë të implikuar në këtë veprimtari kriminale./ CNA





Lajmet e fundit nga