web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet vrasja e Elis Rroshkodolit/ Arrestohet 1 person, 3 të tjerë në kërkim

6 Shtator 2024, 11:25, Kronika CNA

Zbardhet vrasja e Elis Rroshkodolit/ Arrestohet 1 person, 3 të tjerë

Zbardhet ngjarja e vrasjes së Elis Rroshkodolit në Shkodër. 

Policia ka arrestuar 26-vjeçarin me iniciale Xh.M. për ngjarjen e rëndë të ndodhur më 30 gusht.

Ndërkohë në kërkim janë shpallur 3 persona të tjerë J. Xh., 31 vjeç, V. Xh., 38 vjeç dhe D. M., 42 vjeç.

"Në kuadër të këtij operacioni, u identifikua, u kap dhe u vu në pranga shtetasi Xh. M., 26 vjeç, për veprat penale “Sigurimi i kushteve dhe i mjeteve materiale për të kryer vrasje”, “Veprime që pëngojnë zbulimin e së vërtetës” dhe “Trafikimi i mjeteve motorike”, kryer në bashkëpunim. Gjithashtu, u identifikuan dhe u shpallën në kërkim, për veprat penale “Vrasja me paramendim”, “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Trafikimi i mjeteve motorike”, kryer në bashkëpunim, shtetasit J. Xh., 31 vjeç, V. Xh., 38 vjeç dhe D. M., 42 vjeç", njofton policia. 

Në vijim të operacionit u zbulua në territorin e Bashkisë Tiranë, një garazh, ku këta 4 shtetas mbanin automjete të trafikuara nga shtete të ndryshme të Europës, të cilat dyshohet se janë siguruar për të shërbyer gjatë kryerjes së krimeve të rënda kundër personit.

Nga kontrollet në këtë ambient u gjetën dhe u sekuestruan në cilësinë e provës materiale 3 automjete të dyshuara të trafikuara dhe pjesë të automjetit të dyshuar të përdorur nga autorët, gjatë vrasjes së shtetasit E. Rr. (Sh.).

Elis Rroshkodoli u vra me armë zjarri teksa ndodhej brenda një lokali në zonën Zdraeles, në lagjen "Ahmet Haxhia".

Ai ishte person me precedentë penalë dhe i përfshirë në një sërë ngjarjesh. Uniformat blu njoftuan se viktimës iu gjet një pistoletë në çantë, gati për qitje. 

Në vitin 2010 dyshohet se Rroshkodoli ka plagosur me armë zjarri shtetasin Hysni Bregu, babai i të fortit të Shkodrës, Barush Bregu.

Më pas në vitin 2014 dyshohet se është përfshirë në një vjedhje në Belgjikë. Në këtë shtet ai akuzohet se ka plagosur një shkodran me mbiemrin Shema dhe një vit më parë është dyshuar për plagosjen e një rumuni në Rumani. 

Elis Rroshkodoli është djali i Kujtim Haxhisë, ky i fundit i vrarë në vitin 1995 në Shkodër pas një konflikti duke lënë në moshën 7-vjeçare të birin që u ekzekutua pak javë më parë. /CNA  

 





Lajmet e fundit nga