Dëshmia e 30-vjeçarit që vrau babain: Sherri nisi se nuk gjeta 75 mijë eurot në kasafortë, më drejtoi armën

5 Shtator 2024, 11:14, Kronika CNA

Dëshmia e 30-vjeçarit që vrau babain: Sherri nisi se nuk gjeta

Esmerald Balla dhe Enver Balla

Zbardhet dëshmia e Esmerald Ballës, i cili vrau të atin në Shënvlash të Durrësit dhe më pas trupin ia hodhi në pus. Për ngjarjen e rëndë ai bashkëpunoi me 25-vjeçarin Edison Brahaj, për të transportuar me automjet trupin e viktimës nga vendi i ngjarjes deri te vendi ku u gjet nga policia.

Para hetuesve 25-vjeçari është shprehur se 75 mijë eurot u kthyen në një "mollë sherri".

Ai deklaroi se shkuar të merrte në kasafortë para që të paguante sipërmarrësin që kishte bërë punimet për ndërtimin e një banese për 30-vjeçarin. Sipas tij, kur ka shkuar në dhomë ka parë që kasaforta ishte hapur me sende të forta dhe se mungonin 75 mijë eurot. Në këtë moment ka nisur debati me të atin dhe djali pretendon se i ati ka marrë pistoletën dhe ia ka drejtuar duke i thënë “unë të vras”.

Më tej, djali ka deklaruar se në atë moment i ka marrë armën në përpjekje për t’ia larguar, por arma është shkrepur dhe babai ka mbetur i vrarë. Ai është shfaqur i penduar para hetuesve duke thënë se nuk donte ta vriste.

DËSHMIA:

Ne kemi një fermë të vetme të vogël dhe aty punonim të dy me babanë dhe pjesëtarët e tjerë të familjes. Gjërat nga ana ekonomike po shkonin shumë mirë dhe s’kishim asnjë problem pasi secili bënte detyrat e veta. Unë po ndërtoj një shtëpi te re (pranë asaj që jetojmë) dhe punimet kishin ecur shumë mirë. Neve në shtëpi nga puna disavjeçare kishim një sasi afro 75 mijë euro. Ditën e ngjarjes shkova të merrja lekët pasi sipërmarrësi i punimeve kërkoi pagesën sepse e kishte mbyllur punën për të cilën kishim rënë dakord.

Shkova te vendi për të marrë paratë që ta paguaja dhe konstatoj se mungonin 75 mijë eurot. I them babait: ‘ku janë paratë’!? ‘Se di’,- më tha. Kasaforta ishte dëmtuar me mjete të forta. Ishte hapur. Aty nisëm të debatonim. Unë të vras më tha dhe mori pistoletën dhe ma drejtoi. Në një moment iu afrova dhe u kapëm me duar. Në momentin që u përpoqa t’ia hiqja nga dora pistoletën ajo u shkrep.

Kur u shkreh arma dhe pasi pashë që babai ishte qëlluar m'u shemb bota pasi nuk doja që të ndodhte kështu. Më kapi paniku. Nuk dija çfarë të bëja. Kisha frikë të denoncoja krimin në polici, edhe pse ishte aksident. E mora trupin në makinë dhe kemi një pus diku 1 mijë metra larg shtëpisë. E hodha aty që ta fshihja. Telefonin ia fika, i hoqa kartën dhe e hodha edhe telefonin në pus. Mirëpo nuk ndihesha mirë. Më kapi ankthi dhe u bëra keq.

Shkova në spitalin e Durrësit për vizitë. Mjekët me dhanë ca ilaçe. Pas nja dy ditësh e denoncova babanë të zhdukur në polici. Thashë në polici se babai kishte marrë lekët dhe ishte zhdukur me një femër tjetër. Lajmërova edhe vëllezërit. U thashë që babai ka ikur nga shtëpia. Kështu vazhdoi për disa ditë deri ne momentin që ju e zbuluat ngjarjen. Me vjen shumë keq, nuk doja të shkonte kështu./CNA