E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

I dënuar me 20 vjet burgim për drogë/ Arrestohet në Elbasan 54-vjeçari

3 Shtator 2024, 10:55, Kronika CNA

I dënuar me 20 vjet burgim për drogë/ Arrestohet në Elbasan

Policia e Elbasanit ka arrestuar 54-vjeçarin Agron Çakalli, i cili ishte i dënuar me 20 vjet burgim, për veprimtari kriminale në fushën e narkotikëve.

Gjykata e Apelit për Krimet e Rënda Kretë, Greqi, 54-vjeçarin e dënoi në vitin 2016 me burgim të përjetshëm, për veprat penale "Trafikimi i lëndëve narkotike" dhe "Kultivimi i bimëve narkotike".

Por, Gjykata e Apelit e Juridiksionit të Përgjithshëm e ka njohur këtë vendim penal dhe me vendimin e datës 17.04.2024, ia ka konvertuar dënimin, shtetasit Agron Çakalli, në 20 vjet burgim.

Njoftimi i policisë:

Elbasan/Vijon me intensitet zbatimi i masave të përcaktuara në planin operacional mbarëkombëtar “Sundimi i ligjit”.

Finalizohet operacioni policor i koduar "Convert".

I dënuar me 20 vjet burgim, për veprimtari kriminale në fushën e narkotikëve, kapet dhe vihet në pranga 54-vjeçari.

Komisariati i Policisë Elbasan, në vijim të operacioneve për kapjen e shtetasve të shpallur në kërkim, të cilat zhvillohen në kuadër të megaoperacionit policor të koduar "Sundimi i ligjit", bazuar në inteligjencën policore për vendndodhjen e një shtetasi në kërkim, kanë organizuar dhe finalizuar operacionin policor të koduar "Convert".

Si rezultat i operacionit u kap dhe u ndalua shtetasi në kërkim Agron Çakalli, 54 vjeç, banues në Elbasan.

Këtë shtetas, Gjykata e Apelit për Krimet e Renda Kretë, Greqi, me vendimin e datës 02.12.2016, e ka dënuar me burgim të përjetshëm, për veprat penale "Trafikimi i lëndëve narkotike" dhe "Kultivimi i bimëve narkotike".

Gjykata e Apelit e Juridiksionit të Përgjithshëm e ka njohur këtë vendim penal dhe me vendimin e datës 17.04.2024, ia ka konvertuar dënimin, shtetasit Agron Çakalli, në 20 vjet burgim.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme./CNA