web counter
LEXO PA REKLAMA!

SHKARKO APP

App Store
Google Play

Drejtori i policisë zbardh detaje/ Si ndodhi plagosja e dyfishtë në "Don Bosko"

3 Shtator 2024, 16:24, Kronika CNA
Drejtori i policisë zbardh detaje/ Si ndodhi plagosja e dyfishtë
Drejtori i Policisë së Tiranës, Tonin Vocaj

Drejtori i Policisë së Tiranës, Tonin Vocaj, ka zbuluar detaje nga plagosja e dyfishtë në lagjen "Don Bosko", në kryeqytet.

Vocaj tha se të plagosurit ishin duke pirë kafe në verandën e një lokali dhe kanë lidhje shoqërore.

Dyshohet se autorë kanë qenë 3 persona, të cilën janë afruar me makinë dhe kanë qëlluar me arnmë pa zbritur nga mjeti.

Vocaj deklaroi se kanë siguruar pamjet filmike dhe kanë parë momentin kur ka ndodhur plagosja.

“Kemi ngritur një grup të posaçëm hetimor që po mbledh të gjitha provat që do t'i shërbejnë hetimit. Jemi duke kontrolluar në të gjithë zonat për kamerat e sigurisë. Po kështu, në territorin e komisariati nr 5 është gjetur një mjet, që ka përputhshmëri me atë të autorëve. Targat nuk janë të vjedhura, por numri i shasisë nuk përputhet me automjetin origjinal. Po vazhdojnë hetimet. Janë sekuestruar 7 gëzhoja nga një armë zjarri, nuk e kemi përcaktuar tipin e armës. Në automjet është gjetur edhe një armë zjarri që po ekzaminohet.

Ishin në të njëjtën tavolinë. Paraprakisht kemi mësuar se kanë pasur vetëm lidhje shoqërore. I riu nuk është kamarier, kanë qenë duke pirë kafe në verandën e lokalit. Për objektivin nuk mund ta themi deri në këto momente, nga hetimi do të rezultojë.  Mendohet se kanë qenë 3 persona autorë, përfshirë edhe drejtuesin e mjetit.

Ne në këto momente jemi duke hetuar për “backround”-in që të plagosurit kanë dhe konfliktet e mundshme që ata kanë pasur për të zbardhur ngjarjen. Autorët kanë qëlluar nga automjeti, nuk kanë zbritur. Ne kemi pamjet filmike se si ka ndodhur ngjarja, kemi ide të qartë për dinamikën. Kanë hapur zjarr nga makina, ka probalitiet të madh që të kenë qenë të maskuar”, u shpreh ai./ CNA





Lajmet e fundit nga