web counter
LEXO PA REKLAMA!

SHKARKO APP

App Store
Google Play

"Filloi të lëvizte në zona publike"/ Artan Hoxha: Ku fshihej Marklen Haka

7 Shtator 2024, 20:16, Kronika CNA
"Filloi të lëvizte në zona publike"/ Artan Hoxha: Ku
Marklen Haka

Gazetari Artan Hoxha ka folur këtë të shtunë për arrestimin e të “fortit” të Niklës, Marklen Haka, i cili ishte shpallur në kërkim nga SPAK-u.

Hoxha shprehu bindjen se Haka nuk ka lëvizur nga Nikla dhe ka qëndruar në shtëpinë e tij.

Ai deklaroi në një dale televizive se gjatë verës i shumëkërkuari është parë duke lëvizur në vende ku ka njerëz, përfshirë edhe bregdetin.

Sipas tij, kjo ka qenë edhe arsyeja pse policia është vënë në lëvizje. Gazetari tha se policia ka pasur dyshime se Marklen Haka mund të krijonte situata.

“Marklen Haka nuk ka qenë tip i Dubait, tip që rri në Dubai, por ka qenë tip që rri aty (në shtëpinë e tij në Nikël). Unë mendoj që policia më tepër ka nxituar për ta kapur në zbatim të vendimit të SPAK-ut për dosjen “Revanshi”, duke menduar se mund të ketë dhe ndonjë situatë tjetër aty, sepse ai po lëvizte. Ishte parë në zona publike ku kishte shumë njerëz dhe kjo e nxiti policinë më tepër që të reagonte. Për mua kjo është shumë pozitive fakti që është operuar me RENEA-n dhe që RENEA e ka kapur atë pa qenë nevojë të ketë një shkëmbim zjarri dhe të ketë pasoja në njerëz”, theksoi Artan Hoxha./ CNA





Lajmet e fundit nga