web counter
LEXO PA REKLAMA!

SHKARKO APP

App Store
Google Play

“Nuk hyn dhe del askush pa verifikim”/ Hoxha: Ja si kontrollohet Nikla

7 Shtator 2024, 20:44, Kronika CNA
“Nuk hyn dhe del askush pa verifikim”/ Hoxha: Ja si kontrollohet
Gazetari Artan Hoxha

Gazetari Artan Hoxha ka folur këtë të shtunë për kontrollin e Niklës, një zonë ku jetojnë personazhe të botës së krimit.

Hoxha tha në një dalje televizive se në Nikël nuk hyn dhe nuk del askush pa u verifikuar.

Ai deklaroi se edhe fëmijët dhe punonjësit e lokaleve dhe dyqaneve njoftonin grupet kriminale për personat e panjohur që hynin në zonë.

Gazetari kujtoi një rast të tijin në Nikël, ku theksoi se ishte ndjekur nga dy makina pa targa.

“Kur shihnin një person të panjohur, në fillim kanë pasur radio, është identike si metodat që përdorin organizatat mafioze, nuk po shkoj te kartelet amerikano-latine. Një fëmijë në rrugë që dukej sikur rrinte kot, që aty shikohej veprimi, në momenti që hyhej në pjesën ku ka lokale, ose dyqane fruta-perimesh, ishe i sigurt se secili nga ata nëse ndaloje aty, edhe po të mos ndaloje, por po them rastet kur ndaloje, do të pyesnin, do të interesoheshin dhe do të njoftonin, ka hyrë një makinë e panjohur.

Unë kam qenë në një rast me grupin e xhirimit dhe mbaj mend që na kanë ardhur dy xhipa menjëherë për të verifikuar. Dhe çfarë bëmë, e nuhatën sepse po hynim në zonën që ishte kulmi i kultivimit të kanabisit, mbi banesën e Mariglen Hakës, jemi ngjitur dhe menjëherë sa pamë xhipat pa targa unë kam porositur që shiko se ne po bëjmë dokumentar për Muharrem Hakën që është vrarë në ’98-ën, po të na kapin. Në Nikël nuk hyn dhe nuk del askush pa u verifikuar. Në të vetmet raste kur janë bërë atentate ndaj personazhe nga Nikla, ka pasur tradhti nga brenda”, nënvizoi Artan Hoxha./ CNA





Lajmet e fundit nga