web counter
LEXO PA REKLAMA!

SHKARKO APP

App Store
Google Play

Katër alpinistë të bllokuar në Malin e Bardhë/ Autoritetet, në “luftë” me kohën për t’u shpëtuar jetën

9 Shtator 2024, 11:39, Kronika CNA
Katër alpinistë të bllokuar në Malin e Bardhë/
Mali i Bardhë. Burimi: La Stampa

4 aplinistë nga dy ekipe italiane dhe koreane janë bllokuar për shkak të motit të keq që nga e shtuna në anën franceze të masivit Mont Blanc (Mali i Bardhë).

Me kalimin e orëve, mundësia për t'i gjetur të gjallë ulet gjithnjë e më shumë. Të gjitha përpjekjet si nga pala franceze dhe nga ajo italiane për të mbërritur deri te të bllokuarit kanë qenë pa rezultat.

Dy alpinistë italianë, të dy rreth të dyzetave, janë bllokuar poshtë majës së Malit të Bardhë, pothuajse 4800 metra mbi nivelin e detit, përgjatë rrugës normale franceze të Gouter.

Kanë qenë vetë alpinistët që kanë kërkuar ndihmë të dielën, rreth orës 18:00, duke raportuar se nuk kanë mundur të vazhdojnë dhe se njëri prej tyre ka filluar të ndiejë simptomat e para të hipotermisë.

Mëngjesin e sotëm, rreth orës 07:00, ka pasur një përpjekje të re nga ekipet e shpëtimit për të arritur te të zhdukurit. Fatkeqësisht, edhe kjo tentativë nuk rezultoi e suksesshme për shkak të kushteve të pafavorshme të motit dhe për të garantuar sigurinë e shpëtimtarëve.

Ekipet e shpëtimit do të ndërhyjnë sapo ta lejojnë kushtet atmosferike. Autoritetet italiane janë në kontakt të vazhdueshëm me familjet e alpinistëve italianë të bllokuar në Malin e Bardhë.

Operacionet e shpëtimit u koordinuan nga autoritetet franceze, të cilat u përpoqën menjëherë t'i arrinin me helikopter. Por nuk u bë e mundur për shkak të erërave të forta dhe pamjes së dobët.





Lajmet e fundit nga