web counter
LEXO PA REKLAMA!

SHKARKO APP

App Store
Google Play

E fundit!

x

Rasti i 14-vjeçares në Korçë/ Gjykata pranon kërkesën e prokurorisë, lë në burg 21-vjeçarin

10 Shtator 2024, 16:35, Kronika CNA

Rasti i 14-vjeçares në Korçë/ Gjykata pranon

Avokati Gentian Serjani ka bërë me dije se gjykata e Korçës ka pranuar kërkesën e prokurores për ta lënë në arrest me burg 21-vjeçarin.

Avokati tha se kanë kërkuar që masa të jetë më e lehtë për shkak se si nëna dhe fëmija janë lënë në mëshirë të fatit, duke qenë se në familje punonte vetëm 21-vjeçari.

“Gjykata e çertefikoi kërkesën e prokurorisë edhe pse u munduam të tregojmë që bëhet fjalë për komunitet rom, martesa të hershme të cilat duhet të parandalohen dhe jo të jetë shkopi i vetëm në momentin kur ka dalë pasoja”, tha avokati.

"Gjykata pranoi kërkesën e prokurores për ta lënë në arrest me burg 21 vjeçarin. Qëndrimet dhe argumentat tona ishin që të kishte një masë më të lehtë të sigurimit personal duke parë situatën. Nëna e mitur sot nuk ka mundësi ekonomike të ushqejë fëmijën e sapo ardhur në jetë, fëmija sot ka nevojë për qumësht dhe kush do ta ushqejë?

Ishte vetëm 21 vjeçari që punonte dy punë për të mbajtur familjen, punonte dhe turn i tretë por dhe gjatë ditës për të mbajtur familjen. Në familjen e tij s'ka person tjetër pasi nëna dhe babai ka ndërruar jetë, është vetëm ai me motrën që jetojnë në atë familje. Sot kemi dorëzuar një kërkesë nga vajza e mitur drejt gjykatës për lëshim autorizimi që ajo të lidhë martesë ligjore me babain e fëmijës sepse ka qenë me vullnet të lirë që në momentin e parë që janë bashkuar e deri në lindjen e fëmijës.

Ka qenë çift që është përkujdesur rregullisht gjatë muajve të shtatzanisë për të patur një shtatzani të rregullt. Fatkeqësisht, gjykata e çertefikoi kërkesën e prokurorisë edhe pse u munduam të tregojmë që bëhet fjalë për komunitet rom, martesa të hershme të cilat duhet të parandalohen dhe jo të jetë shkopi i vetëm në momentin kur ka dalë pasoja.

Duhet t’i ofrojmë mundësinë atyre që kur janë në shkollë, kur kanë nevojë për trajtim social dhe psikologjik të trajtohen. Me gjithë këtë situatë të rëndë psikologjike nuk kemi parë asnjë psikolog që të ofrohet nga institucionet vendore për nënën e mitur. Ne e lamë atë nënë të mitur sot me fëmijën në mëshirë të fatit.

Nuk ishte e celebruar zyrtarisht për shkak të moshës të vajzës ndaj sot depozituam një kërkesë për lëshim autorizimi, që me të drejtë të një vajze që ka lindur një fëmijë, të kërkojë autorizim. Djali nuk e dinte moshën e vajzës, e ka marrë vesh para dy muajsh, kur ka patur vizitën te mjeku gjinekolog, i është kërkuar një çertefikatë personale e bashkëjetueses", tha avokati./ CNA





Lajmet e fundit nga