web counter
LEXO PA REKLAMA!

SHKARKO APP

App Store
Google Play

Artan Hoxha nxjerr videon e aksionit në Vlorë/ Ndërhyrja e RENEA-s në restorantin me turistë

10 Shtator 2024, 10:45, Kronika CNA
Artan Hoxha nxjerr videon e aksionit në Vlorë/ Ndërhyrja e
Gazetari Artan Hoxha

Paraditen e 9 gushtit u zhvillua një aksion nga forcat RENEA-s në Lungomare të Vlorës, i cili rezultoi pa sukses.

Gazetari Artan Hoxha ka publikuar videon e këtij aksioni në një emision televiziv, për të cilin pretendon se ka pasur objektiv kapjen e një personi me rrezikshmëri të lartë.

Në pamje shihet momenti kur disa efektivë të maskur dhe të tjerë të veshur civilë futen në restoratin e një hoteli dhe shkaktojnë panik.

Të rriturit dhe fëmijët largohen me vrap, ndërsa të tjerë futen poshtë tavolinës.

Sipas gazetarit, në restorant ka pasur vetëm turistë.

“Është një operacion ku është kërkuar ndërhyrja e RENEA-s. Është një operacion që është bërë më 9 gusht nga forcat taktike të RENEA-s në Lungomare në Vlorë dhe fëmijët futen poshtë tavolinës. Gjithçka ndodh për 50 sekonda. Në raste të tilla ndërhyhet kur ka një person me rrezikshmëri të lartë.

Lajmi që u dha në media flet për ndërhyrjen në orën 10:00 të paradites, nuk u arrestua askush dhe aty ka vetëm turistë, kur këto operacione bëhen në mbrëmje. Kur RENEA i bën vetë këto operacione mundohet të shmangë përballjen me civilët. Nuk ka pasur informacion të saktë. Një pjesë e këtyre efektivëve kanë qenë me të shkurtra. Njerëzit në lokal janë gra, fëmijë, familjarë. Këto operacione bëhen kur ke informacione të sakta dhe jo kur ka turistë.

Mirë u bë gjithë kjo, po për çfarë e bënë? Nëse 2-3 hoteleve në qendër të Tiranës u futesh kështu, nuk u shkon njeri më. Me aq shumë qytetarë që ndodhen aty për pushime, pasojat dihen. Ky është operacion që nuk pati sukses”, tha Hoxha./ CNA





Lajmet e fundit nga