web counter
LEXO PA REKLAMA!

SHKARKO APP

App Store
Google Play

E fundit!

x

“Lufta” e përgjakshme e bandave/ Lala: Vëllezërit Çopja ofruan 5 milionë euro për kokën e Alibejt

10 Shtator 2024, 11:18, Kronika CNA
“Lufta” e përgjakshme e bandave/ Lala: Vëllezërit
Fotomontazh - Erion Alibej

Klodiana Lala foli gjatë një daljeje televizive për “luftën” e përgjakshme të bandave kriminale Çopja dhe Alibej, në Elbasan.

Lala tha se sherri mes tyre nisi për shkak të një sasie shumë të madhe droge që humbi në Britani.

Vëllezërit Franc dhe Hajdar Çopja organizuan masakrën e Bradasheshit me tri viktima, ndërsa nisën planet për eliminimin e Erion Alibejt.

Sipas saj, ata ofruan 5 milionë euro për kokën e Alibejt dhe planifikuan ta vrisnin brenda ambienteve të policisë, duke rekrutuar zyrtarë.

"Franc dhe Hajdar Çopja patën përplasje shumë të ashpër me Endrit Alibejn, për shkak të një sasie shumë të madhe droge që humbi në Britani. Rrihet dhe dhunohet barbarisht personi përgjegjës. Vëllezërit Çopja organizojnë masakrën e Bradasheshit, ku u ekzekutuan 3 persona. Nis përplasja frontale mes dy grupeve. Erion Alibej fillon të mbledhë informacion. Për të eleminuar Erion Alibejn mendonin të ndikonin në sistemin e drejtësisë dhe polici, ta vrisnin brenda ambienteve të policisë. Ofronin për kokën e tij 5 milionë euro.

Mendonin ta ekzekutonin me eksploziv dhe ta shpërthenin me tritol. Në luftën e përgjakshme, që kanë qenë klanët më të rrezikshme, problemi është që ata kanë investuar milionë euro dhe kanë ngritur grupe të strukturuara kriminale. Të gjitha këto para nga trafiku i kokainës, vinin nëpërmjet dy exchange në Tiranë dhe investoheshin në ndërtim, në një zonë rezidenciale pranë vendit ku jemi. Kanë investuar 15.4 milionë euro në blerjen e lingotave të arit.

Është nga hetimet më të rëndësishme, sa u përket grupeve kriminale. Alibejt dhe Çopjat, dy grupimet më gjakatare që kam hasur vitet e fundit. Ka një detaj, që Çopjat donin të rekrutonin zyrtarë të policisë për të kryer vrasjet. Ndërkohë kishin rekrutuar Talo Çelën që kishte grup vrasësish me pagesë", tha Lala./ CNA





Lajmet e fundit nga