web counter
LEXO PA REKLAMA!

SHKARKO APP

App Store
Google Play

E fundit!

x

Tentuan vrasjen e Xhevdet Plakut/ SPAK-u jep pretencën për Kep Rapin dhe ish-shefin e Krimeve, Dedan Gjoni

10 Shtator 2024, 12:07, Kronika CNA
Tentuan vrasjen e Xhevdet Plakut/ SPAK-u jep pretencën për Kep Rapin
SPAK

SPAK-u dha pretencën për Rexhep Rapin, i njohur dhe si Kep Arapi, nipin e tij Algert Rapin dhe ish-shefin e krimeve në Policinë e Shtetit, Dedan Gjoni.

Për Kep Arapin, SPAK kërkoi dënimin e tij me 7.6 vite burg, por për shkak të gjykimit të shkurtuar dënimi zbret me 5 vite heqje lirie.

Për Algert Rapin, nga 7.4 vite burg u kërkua dënimi me 4.8 vite heqje lirie. E njëjta kërkesë u lexua nga SPAK-u në pretencë edhe për Dedan Gjonin, ish-shefin e Krimeve në komisariatin Nr. 6.

Për Dejvi Gjermenin u kërkua dënimi me 4.8 vite burg me gjykim të shkurtuar. Këta shtetas akuzohen për kryerjen e veprave penale “Sigurimi i kushteve dhe i mjeteve materiale për të kryer vrasje”, në dëm të shtetasit Xhevdet Kiss (Plaku), kryer në bashkëpunimin e posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”. Ky hetim i SPAK-ut nisi mbi bazën e informacionit të përcjellë nga Prokuroria e Rrethit Limburg, Holandë.

Ish-efektivi Dedan Gjoni ka thirrur në komisariat objektivin Xhevdet Plaku më 17 shtator 2019, ka raportuar tek autorët orën që do ta lironte si dhe u ka nisur foto të tij.

Fatmirësisht, atentatorët janë tërhequr nga plani dhe vrasja nuk u krye. Nuk dihet saktësisht pse Rexhep Rapi donte ta vriste Xhevdet Plakun, por ky i fundit ka qenë nën akuzë nga Gjykata e Savonës për vrasjen e Sali Rapit dhe plagosjen e Alfred Hasës, por mori pafajësi. Sali Rapi u vra me dy plumba pistolete, armë që nuk u gjet kurrë. Rexhep Rapi rezulton të jetë arrestuar me armë pa leje në një lokal në vitin 2021./ CNA





Lajmet e fundit nga