web counter
LEXO PA REKLAMA!

SHKARKO APP

App Store
Google Play

Qëlloi makinën e autorëve, pasi i vranë shokun/Arrestohet 32-vjeçari në Vlorë

8 Dhjetor 2022, 14:15, Kronika CNA

Qëlloi makinën e autorëve, pasi i vranë shokun/Arrestohet

Policia e Vlorës në bashkëpunim me FNSH Vlorë, kanë finalizuar operacionin e koduar policor “Swift”, ku në pranga ka rënë një 32-vjeçar i shpallur në kërkim për vrasje me dashje të mbetur në tentativë dhe armëmbajtje pa leje.

Mësohet se ka përfunduar në pranga shtetasi Sali Zeneli, banues në Panaja.

Në 3 mars të vitit të shkuar 32-vjeçarit i vranë shokun në lagjen "Bashkimi" në Vlorë. Në ato momente ai ka qëlluar me armë drejt makinës së autorëve.

Më pas ai u shpall në kërkim nga policia për veprat penale “Vrasja me dashje mbetur në tentativë" dhe “Mbajtja pa leje dhe prodhimi i armëve, armëve luftarake dhe i municionit”.

NJOFTIMI I POLICISË

Në zbatim të Planit të Masave të hartuar nga Drejtoria e Përgjithshme e Policisë së Shtetit, për ushtrimin e kontrolleve të befasishme në qendrat urbane, në akset rrugore nacionale dhe në ato kryesore rurale, me qëllim kapjen e personave në kërkim dhe vënien e tyre përpara përgjegjësisë penale, bazuar dhe në informacionet e siguruara nga inteligjenca informative për vendndodhjen e një shtetasi të shpallur në kërkim, shërbimet e Policisë organizuan dhe finalizuan operacionin policor të koduar “Swift”, në kuadër të të cilit u kap dhe ndalua shtetasi në kërkim:

S. Z., 32 vjeç, banues në Panaja.

Ky shtetas ishte shpallur në kërkim, pasi Gjykata e Rrethit Gjyqësor Vlorë, me vendimin e datës 15.03.2021, i ka caktuar masën e sigurisë “Arrest në burg”, për veprat penale “Vrasja me dashje” mbetur në tentativë dhe “Mbajtja pa leje dhe prodhimi i armëve, armëve luftarake dhe i municionit”.

Shtetasi S. Z. dyshohet se më datë 03.03.2021, pas vrasjes së shokut të tij, shtetasit T. Gj., në lagjen “Bashkimi”, Vlorë, ka qëlluar me armë zjarri në drejtim të automjetit me të cilin janë larguar autorët, 2 prej të cilëve, H. J. dhe S. G., janë ndaluar më pas nga Policia.

Materialet iu referuan prokurorisë, për veprime të mëtejshme.





Lajmet e fundit nga