LEXO PA REKLAMA!

SHKARKO APP

E fundit!

x

Tentoi të kapë autorët që transportonin klandestinë/ Polici plagos një emigrant egjyptian

5 Dhjetor 2022, 17:45, Kronika CNA
Tentoi të kapë autorët që transportonin klandestinë/
Foto ilustruese

Prokuroria e Kukësit ka njoftuar për një operacion të policisë kundër emigrantëve të paligjshëm, ku ka mbetur i plagosur një person.

Sipas raportimit, policia ka evidentuar një automjet furgon “Wolksvagen”, të marrë me qera, duke trasportuar emigrantë egjyptianë.

Në tentativë për neutralizimin e transportuesve, një efektiv ka plagosur një klandestin me inicialet M.H., me kombësi egjyptiane.

Për këtë ngjarje ka nisur procedimi penal për punonjësin e policisë me iniciale K.B., ndërkohë që është arrestuar një nga transportuesit dhe janë shpallur në kërkim dy të tjerë.

Njoftimi i plotë:

“Dhënie ndihme për kalim të paligjshëm” dhe “Kundërtim të punonjësve të policisë”, Prokuroria Kukës arreston 1 shtetas, nis procedim penal për një punonjës policie

Sot, më datë 05.12.2022 Drejtoria rajonale AMP Dibër/Kukës në bashkëpunim me shërbimet policore të DVP Kukes, nën drejtimin e Prokurorisë së Rrethit Gjyqësor Kukës kanë bërë arrestimin në flagrancë të shtetasit:

1. K.Gj. banues në Tiranë. Arrestimi i këtij shtetasi, është bërë për V. Penale “Dhënie ndihme për kalim të paligjshëm e kryer në bashkëpunim” si dhe “Kundërtim të punonjësve të policisë”.

Gjithashtu u shpallën në kërkim shtetasit:

-E.M. lindur në Fier; dhe

-E.H lindur në Fier.

Këta shtetas në bashkëpunim me njëri-tjetrin po trasportonin drejt Kosovës 13 shtetas të huaj nga vendet e treta MENA.

Me cilësinë e provës materiale, u sekuestrua një automjet fugon Wolksvagen i marrë me qera.

Gjatë operacionit policor për neutralizimin e autorëve të sipërpërmendur është plagosur një shtetas i huaj (klandestin) me inicialet M.H, me kombësi egjyptiane.

Lidhur sa më sipër Prokuroria e Rrethit Gjyqësor Kukës ka urdhëruar fillimin e procedimit penal në ngarkim të punonjësit të policisë së DVP Kukës K. B., i cili ka qenë pjesë e operacionit policor, për veprën “Plagosje e rëndë nga pakujdesia”, parashikuar nga neni 91 K. Penal. Po punohet për sqarimin e rrethanave të çështjes./ B.A. - CNA.al

Lajmet e fundit nga