web counter
LEXO PA REKLAMA!

SHKARKO APP

App Store
Google Play

E fundit!

x

SPAK-u i sekuestroi vilën/ Bashkëjetuesja e Arben Ahmetajt apelon vendimin

3 Prill 2023, 16:08, Kronika CNA

SPAK-u i sekuestroi vilën/ Bashkëjetuesja e Arben Ahmetajt apelon

Bashkëjetuesja e ish-zëvendëskryeministrit, Arben Ahmetajt, ka apeluar vendimin e SPAK-ut për sekuestrimin e pasurisë së paluajtshme të saj, më qartë një vilë.

“Ky vendim është i pambështetur në prova dhe në ligj, kurse ekzekutimi i tij në tejkalim të disponimit të Gjykatës së Posaçme. Për këtë arsye, e apelojmë atë, duke parashtruar sa vijon:

1. Paligjshmëria e vendimit të caktimit të masës së sigurimit “sekuestro preventive”, për shkak të mungesës së shkaqeve të ligjshme për vendosjen e saj.

Për vendosjen e masës së sigurimit pasuror të sekuestros preventive mbi një send, ligji procedural penal (neni 274 i KPP) kërkon që të plotësohen disa kritere:

(i) Duhet të ekzistojë një dyshim, i mbështetur në prova, se është kryer një vepër penale e caktuar;

(ii) Duhet të provohet lidhja e sendit për të cilin kërkohet të vendoset masa e sigurimit pasuror me veprën penale prej së cilës besohet se ai ka rrjedhur:

(iii) Duhet të ekzistojë rreziku që disponimi i lirë i sendit që lidhet me veprën penale, mund të rëndojë apo të zgjatë pasojat e veprës ose të lehtësojë kryerjen e veprave penale të tjera.
Asnjëri nga kriteret e sipërcituara nuk përmbushet në rastin e sekuestros preventive të vendosur ndaj pasurisë së znj. Erjola Hoxha….

… Burimet financiare të znj. Hoxha për të blerë këtë pasuri janë tërësisht të mjaftueshme dhe transparente: 130.000 euro ajo i ka përfituar si dhuratë nga prindërit e saj (këta ta fundit i kanë siguruar nga shitja e një apartamenti, po në atë zonë, në favor të blerësve Ollga dhe Artan Gjokaj (kontrata e shitjes nr. 874 rep. 353 kol, datë 17.2.2022 dhe deklarata e dhurimit, bashkëlidhur)”, shkruhet mes të tjerash në ankimim.

Kujtojmë se dhe Arben Ahmetaj ka ankimuar në Gjykatën e Posaçme kundër Korrupsionit dhe Krimit të Organizuar masën e sekuestros.

Objektet e sekuestruara janë një vilë në Hamallaj dhe një në Palasë, të cilat janë në emër të ish-gruas dhe bashkëjetueses aktuale të Ahmetajt.

Në kërkesën e tij në GJKKO, ish-ministri e quan masën e sekuestros si të paligjshme. 

Kreu i SPAK-ut, Altin Dumani, tha se Ahmetaj po hetohet dhe po gjurmohet pasuria e tij, pasi sipas tij, nga kontrolli në vila janë gjetur prova./CNA





Lajmet e fundit nga