web counter
LEXO PA REKLAMA!

SHKARKO APP

App Store
Google Play

E fundit!

x

Parandalohet vrasja në Kavajë/ Arrestohet njëri prej vëllezërve, në kërkim tjetri

25 Shkurt 2024, 13:36, Kronika CNA

Parandalohet vrasja në Kavajë/ Arrestohet njëri prej

Një sherr ka ndodhur mes tre të rinjve në Kavajë. Gjatë sherrit për motive të dobëta dy vëllezërit G. U., 26 vjeç, dhe H. U., 30 vjeç, kanë goditur me sende të forta dhe kanë tentuar ta godasin me makinë 25-vjeçarin me iniciale L.L. 

Policia ka parandaluar vrasjen e të riut nga dy vëllezërit dhe ka arrestuar njërin prej tyre, H. U., 30 vjeç. Ndërkohë në kërkim është shpallur vëllai i tij. 

Në prangat e policisë ka rënë edhe 25-vjeçari i dhunuar për shkak se drejtonte automjetin e tij në gjendje të dehur. 

Njoftimi i policisë:

Pas një konflikti për motive të dobëta, tentuan të vrisnin një 25-vjeçar, duke e dhunuar goditur me automjet, arrestohet 30-vjeçari dhe punohet për kapjen e vëllait të tij që braktisi automjetin menjëherë pas konfliktit.

Në pranga dhe 25-vjeçari, sepse rezultoi se drejtonte automjetin e tij në gjendje të dehur. Mbrëmjen e djeshme, shërbimet e Policisë pas njoftimit të marrë për një konflikt ndërmjet 3 shtetasve, në lagjen nr. 2, kanë shkuar menjëherë në zonë, për të identifikuar dhe nxjerrë përpara përgjegjësisë penale, shtetasin/it përgjegjës.

Falë ndërhyrjes në kohë shërbimet e Policisë parandaluan përshkallëzimin e konfliktit dhe arrestuan në flagrancë shtetasin H. U., 30 vjeç, si dhe shpallën në kërkim vëllanë e tij, shtetasin G. U., 26 vjeç, të dy banues në Kavajë, sepse dyshohet se pas një konflikti për motive të dobëta, kanë tentuar të vrasin shtetasin L. L., 25 vjeç, duke e dhunuar fizikisht atë dhe duke goditur me automjet, automjetin që drejtonte ky shtetas.

Në vijim të veprimeve procedurale specialistët për Hetimin e Krimeve të Komisariatit të Policisë Kavajë arrestuan në flagrancë dhe 25-vjeçarin pasi nga verifikimet rezultoi se e drejtonte automjetin, në gjendje të dehur.

Vijon puna për kapjen e 26-vjeçarit që braktisi automjetin, sapo goditi me të, automjetin e shtetasit L. L..
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./CNA 





Lajmet e fundit nga