web counter
LEXO PA REKLAMA!

SHKARKO APP

App Store
Google Play

Pamje të aksioneve në 8 qytete/ Goditjet e grupeve kriminale, sekuestrohen armë dhe municione

13 Dhjetor 2023, 11:50, Kronika CNA
Pamje të aksioneve në 8 qytete/ Goditjet e grupeve kriminale,
Foto nga aksioni i policisë

Ministri i Brendshëm, Taulant Balla, njofton se gjatë operacioneve “Sundimi i Ligjit” dhe “Tempulli” të zhvilluara në Dibër, Shkodër, Elbasan, Korçë, Berat, Kukës, Kavajë dhe Tepelenë, janë vënë përpara përgjegjësisë penale 15 shtetas.

Ministri sqaron se gjatë aksioneve janë sekuestruar armë zjarri, municion luftarak, lëndë narkotike, lëndë piroteknike dhe sende të tjera të kundërligjshme. 

Balla ka publikuar edhe një video nga aksionet e policisë, ku janë arrestuar personat e përfshirë në aktivitetet kriminale.


"Megaoperacioni 'Tempulli', i ndërthurur me masat e përcaktuara në #PaketaeSigurisë në shkolla, po forcon përditë zinxhirin e sigurisë në shkolla. Ndërkohë, goditjet e njëpasnjëshme në kuadër të megaoperacionit 'Sundimi i ligjit', kryesisht kundër armëmbajtjes pa leje dhe për kapjen e shtetasve në kërkim, po largojnë nga komuniteti, shtetas me rrezikshmëri për jetën dhe pronën e qytetarëve. Më shumë vigjilencë dhe përkushtim nga strukturat e Policisë së Shtetit, gjatë muajit dhjetor, për të parandaluar vjedhjet, për të ndaluar përdorimin e kundërligjshëm të lëndëve piroteknike, si dhe për të garantuar parametra optimale të rendit dhe sigurisë në tërësi", njofton ministri./CNA

 

 

 





Lajmet e fundit nga