web counter
LEXO PA REKLAMA!

SHKARKO APP

App Store
Google Play

Sekuestrohen 11 tonë kokainë në Spanjë/ "Çmontohen" bandat shqiptare, 20 të arrestuar

12 Dhjetor 2023, 14:47, Kronika CNA
Sekuestrohen 11 tonë kokainë në Spanjë/
Droga e sekuestruar

Në vetëm një javë, autoritetet spanjolle kanë sekuestruar 11 tonë kokainë në Galicia dhe Valencia të fshehura në kontejnerë detarë nga Amerika Latine, në atë që përfaqëson kapjen më të madhe të kësaj droge në Spanjë.

Mediat spanjolle raportojnë se kjo është një goditje të rëndë për organizatat shqiptare, pasi janë ndër më të fuqishmet në Evropë dhe kryenin trafikun e kokainës nga vendet e Amerikës Latine. Në total janë arrestuar 20 persona. 


"Këtë të martë përgjegjësit e Njësisë për Drogën dhe Krimin e Organizuar të Policisë Kombëtare së bashku me ata të Agjencisë Tatimore kanë detajuar rezultatet e dy operacioneve të ndryshme të kryera në fund të nëntorit dhe në javën e parë të dhjetorit. Nga njëra anë, operacioni Tonara ka qenë kapja më e madhe e kokainës në Galicia me 7.5 tonë drogë të hequr nga kontejnerë dhe të fshehur në ton të ngrirë, që rezultoi në arrestimin e pesë personave. Operacioni i dytë, i quajtur Fulgor, ka lejuar arrestimin e 15 personave – i fundit prej tyre dje në Madrid – dhe sekuestrimin e 3.5 tonë drogë që mbërriti më shumë se një muaj më parë në portin e Valencias", thuhet në artikull. 

Kryekomisar i Brigadës Qendrore të Narkotikëve, Antonio Duarte, tha se megjithëse janë dy operacione të ndryshme, ka disa hallka të përbashkëta. 

"Pas të dyja dërgesave qëndrojnë rrjetet shqiptare, të cilat janë organizatat që kanë monopolizuar dërgesën e drogës drejt Evropës në kontejnerë të dyfishtë nga deti”, theksoi ai./CNA





Lajmet e fundit nga