web counter
LEXO PA REKLAMA!

SHKARKO APP

App Store
Google Play

E fundit!

x

Vodhën me dhunë paratë në një pikë karburanti/ Kapen dy “skifterët”

11 Dhjetor 2023, 10:58, Kronika CNA
Vodhën me dhunë paratë në një pikë karburanti/
Foto ilustruese

Policia ka vënë në pranga dy të rinjtë, shtetasit A.L., 22 vjeç dhe K.L., 21 vjeç, banues në Tiranë.

Sipas policisë këta janë autorët e dyshuar që kanë vjedhur me dhunë dy ditë më parë punonjësin e një pike karburanti në zonën e Selitës.

“Shërbimet e Komisariatit të Policisë Nr. 2, në vijim të punës për goditjen e veprimtarisë kriminale në fushën e vjedhjes së pronës dhe pasurisë, pas njoftimit të marrë se dy shtetas, në bashkëpunim me njëri-tjetrin, kishin vjedhur me dhunë, një shumë parash, në një karburant, në Selitë, menjëherë kanë organizuar punën për identifikimin dhe kapjen e tyre.

Në këtë kuadër është finalizuar operacioni policor i koduar "Selita", si rezultat i të cilit u bë identifikimi, kapja dhe arrestimi i dy autorëve të dyshuar, shtetasve:

A. L., 22 vjeç dhe K. L., 21 vjeç, të dy banues në Tiranë. 

Këta dy shtetas, në bashkëpunim me njëri-tjetrin, më datë 09.12.2023, rreth orës 01:40, janë afruar në një karburant në Selitë, dhe shtetasi A. L., ka zbritur nga automjeti. Shtetasi K. L. është afruar për të furnizuar automjetin me karburant, ndërsa shtetasi A. L. i ka vjedhur me dhunë punonjësit të karburantit, xhiron ditore.

Në cilësinë e provës materiale u sekuestruan një mjet prerës thikë, një përforcues grushti, veshjet dhe automjeti që autorët e dyshuar kanë përdorur për të kryer krimin”, njofton policia./ CNA





Lajmet e fundit nga