web counter
LEXO PA REKLAMA!

SHKARKO APP

App Store
Google Play

E fundit!

x

Dhunohet ekzekutori i Liridonës Burgun e Sigurisë së Lartë?/ Drejtori i SHKK-së: Si qëndron e vërteta

10 Dhjetor 2023, 20:04, Kronika CNA
Dhunohet ekzekutori i Liridonës Burgun e Sigurisë së Lartë?/
Granit Plava, ekzekutori i Liridona Ademajt

Në media kanë qarkulluar këtë të dielë aludime se është dhunuar në Burgun e Sigurisë së Lartë Granit Plava, ekzekutori i Liridona Ademajt.

Për këto lajmje ka reaguar drejtuesi i Përgjithshëm i Shërbimit Korrektues të Kosovës, Ismail Dibrani.

Ai tha se ka pasur tentativa për ta sulmuar, por kjo gjë është parandaluar nga ndërhyrja e stafit të burgut.

“Në momentin kur kanë tentuar të burgosurit ta sulmojnë, stafi ka reaguar menjëherë dhe e ka parandaluar konfliktin. Nuk ka rrahje. Ka pasur tentativë për sulm sepse është burg, dhe rasti është i ndjeshëm. Presioni i opinionit ka qenë i madh, mund të ketë kërcënime, tentativë për sulm, por asnjëherë nuk ka pasur kontakt fizik. Edhe për këtë tentativë ne do të themelojmë komisionin hetimor dhe do të dalim me rezultate konkrete”, tha Dibrani për mediat në Kosovë.

Një deklaratë zyrtare ka edhe nga Shërbimi Korrektues i Kosovës, i cili deklaron se 3 të arrestuarit po mbahen në qendra të ndryshme.

“Shërbimi Korrektues i Kosovës njofton opinionin publik se personat e dyshuar për vrasjen e të ndjerës L.A, janë të shpërndarë në tri qendra korrektuese dhe për shkak të ndjeshmërisë së rastit kanë nivel të lartë sigurisë.

Njoftojmë se ndaj të paraburgosurit G.P, ka pasur vetëm tentim për ta sulmuar gjatë kohës së paraparë për shëtitje. Po ashtu, njoftojmë se nuk ka pasur as tentim për vetëlëndim, e as për vetëvrasje, në momentin që është vërejtur se batanija është dëmtuar, stafi ka reaguar me kohë.
Shërbimi Korrektues i Kosovës ka themeluar Komisionin Hetimor për të sqaruar të gjitha rrethanat lidhur me rastin dhe do të vazhdojë ta mbajë publikun e informuar”, theksohet në deklaratë./ CNA





Lajmet e fundit nga