LEXO PA REKLAMA!

SHKARKO APP

Arrestohet në Kosovë Gëzim Çela/ Merr fund arratia e baronit të drogës

8 Dhjetor 2023, 18:59, Kronika CNA
Arrestohet në Kosovë Gëzim Çela/ Merr fund arratia e
Gëzim Çela

Mbrëmjen e kësaj të premteje është arrestuar në Kosovë trafikanti i drogës Gëzim Çela, i shumëkërkuar nga policia.

Çela ka qenë oficer i Forcave Speciale. Ai njihet si “bosi i trafikut të drogës” që vinte nga Turqia, përmes Bullgarisë, Maqedonisë e Shqipërisë, drejt Kosovës dhe vendeve Perëndimore. 

Vite më parë policia i ka gjetur 18 kilogramë kokainë dhe dyshohej se përdorte vilën e tij në Fushë Kuqe për trafik droge.

Forcat policore, në atë kohë, sekuestruan në banesën e tij në Fushë Kuqe 9 armë, 3 snajpera, granata dhe makina të blinduara.

Çela e kishte shndërruar vilën në laborator për përzierjen e drogës. Ai u shpall në kërkim si kreu i këtij rrjeti të trafikut të drogës.

Në qershor të vitit 2014 policia shqiptare dhe ajo kosovare shkatërroi një grup të strukturuar kriminal, i cili trafikonte droga të forta nga Turqia drejt Europës Perëndimore, duke përdorur edhe territorin e Shqipërisë./ CNA

Lajmet e fundit nga