web counter
LEXO PA REKLAMA!

SHKARKO APP

App Store
Google Play

E fundit!

x

U kap me qindra doza droge në makinë dhe në banesë/ Prangoset 20-vjeçari

13 Dhjetor 2023, 08:31, Kronika CNA
U kap me qindra doza droge në makinë dhe në banesë/
Foto ilustruese

Megaoperacioni "Tempulli" vijon. Së fundi policia e Beratit bën me dije se ka vënë në pranga shtetasin D. B., 20 vjeç, banues në Berat.

Gjatë kontrollit, ky shtetas është kapur me qindra doza lëndë narkotike kanabis në makinë dhe në banesën e tij.

“Goditje të njëpasnjëshme në kuadër të megaoperacionit 'Tempulli', kundër veprimtarisë kriminale të shitjes në doza, të lëndëve narkotike.

Arrestohet në flagrancë një 20-vjeçar që posedonte qindra doza cannabisi, në automjet dhe në banesë, me qëllim shitjen në qytetin e Beratit.

Sekuestrohen dozat e lëndës narkotike.

Si rezultat i kontrolleve në të gjithë territorin e qarkut dhe punës së inteligjencës policore, në kuadër të megaoperacionit 'Tempulli', specialistët e Seksionit për Hetimin e Narkotikëve të DVP Berat kanë konstatuar dhe goditur një tjetër rast të veprimtarisë kriminale të shitjes në doza, të lëndëve narkotike, rast për të cilin u vu në pranga shtetasi D. B., 20 vjeç, banues në Berat.

Nga kontrollet në automjetin që drejtonte 20-vjeçari dhe në banesën e tij, Policia gjeti dhe sekuestroi në cilësinë e provës materiale sasi të lëndës narkotike cannabis sativa, të ndara në qindra doza, për t’i shitur në lagje të ndryshme të qytetit të Beratit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme”, njofton policia./ CNA





Lajmet e fundit nga