web counter
LEXO PA REKLAMA!

SHKARKO APP

App Store
Google Play

Sulmoi dhe kërcënoi me jetë një person për një borxh të pashlyer droge/ Arrestohet 35-vjeçari shqiptar në Romë

6 Nëntor 2025, 16:40, Kronika CNA

Sulmoi dhe kërcënoi me jetë një person për një

Një 35-vjeçar shqiptar është arrestuar në Romë, për shkaktim të lëndimeve të rënda trupore ndaj një personi. Sipas informacioneve të policisë së Romës, ngjarja ka ardhur si pasojë e një debati të ndodhur gushtin e kaluar për një borxh të pashlyer droge.

Shqiptari raportohet se i ka shitur kokainë një shtetasi, për një shumë më të lartë se sa ishte çmimi i tregut dhe me pagesa shtesë që do të jepeshin në rast vonese të shlyerjes së pagesës. 

Për të marrë borxhin, vlera e të ciliit ishte rritur që nga muaji gusht, 35-vjeçari dyshohet se kreu disa sulme ndaj “klientit” duke nisur nga kërcënimet me vdekje, te një sulm pranë një stacioni benzine dhe deri te hedhja e një eksplozivi në banesën e tij për ta frikësuar.

Hetuesit arritën ta rindërtonin ngjarjen hap pas hapi pas një episodi tjetër dhune që u regjistrua vetëm pak javë më parë, kur shqiptari, bashkë me disa persona të tjerë, dyshohet se u takua me disa nga anëtarët e familjes së personit që i kishte shitur drogën, duke kërkuar që ata të merrnin atë që ai pretendonte se i detyrohej.

Situata degradoi kur shqiptari u përpoq të therë me thikë “klientin” që nuk e kishte përmbushur detyrimin. Nga konfrontimi fizik babai i personit që kishte blerë drogën, pësoi lëndime shumë të rënda, disa prej të cilave në fytyrë.

Nga këqyrja e imazheve të kamerave të sigurisë në zonë, oficerët e Distriktit të 10-të Lido, arritën të zbardhin ngjarjen dhe të arrestojnë shqiptarin, pavarësisht se familja e dhunuar nuk ka pranuar të akuzojë askënd. 35-vjeçari shqiptar ndodhet në paraburgim, ku do të presë gjyqin dhe dënimin e tij. /CNA





Lajmet e fundit nga