web counter
LEXO PA REKLAMA!

SHKARKO APP

App Store
Google Play

E fundit!

x

Shpërndanin lëndë narkotike dhe mbanin armë pa leje/ Dy të arrestuar në Kuçovë

6 Nëntor 2025, 08:31, Kronika CNA

Shpërndanin lëndë narkotike dhe mbanin armë pa leje/ Dy

Policia e Beratit ka goditur një rast të shpërndarjes së lëndëve narkotike, si dhe armëmbajtje pa leje ku si rezultat ka vënë në pranga dy persona.

Është arrestuar 41-vjeçari K. K., i cili kishte përshtatur lokalin e tij për shpërndarjen dhe përdorimin e lëndëve narkotike. Gjithashtu u zbulua një armë zjarri.

Në pranga po ashtu u vu një 27-vjeçar, i cili mbante në banesë lëndë narkotike.  

Aktivitetet kriminale u zbuluan në vijim të kontrolleve për të zbuluar autorët e vendosjes së lëndës plasëse në një biznes, pak ditë më parë.

 

Njoftimi i policisë

 

Kuçovë/Sekuestrohen armë zjarri, municion luftarak dhe lëndë narkotike kanabis.

Finalizohet operacioni policor i koduar “Kompleks”.

Operacioni u zhvillua nga Komisariati i Policisë Kuçovë, në bashkëpunim me Seksionin për Hetimin e Narkotikëve dhe Forcën e Posaçme Operacionale të DVP Berat.

Kishte përshtatur lokalin për shpërndarjen dhe përdorimin e lëndëve narkotike, si dhe mbante armë zjarri automatik; vihet në pranga 41-vjeçari.

Ishte me masë sigurie “Arrest në shtëpi”, për veprat penale “Prodhimi dhe shitja e lëndëve narkotike” dhe “Drejtimi i mjetit në mënyrë të parregullt”, si dhe mbante lëndë narkotike në banesë; vihet në pranga 27-vjeçari.

Në vijim të kontrolleve të ushtruara për identifikimin e autorit/ve të vendosjes së lëndës plasëse në një biznes ditën e djeshme, si dhe për goditjen e veprimtarive kriminale në fushën e narkotikëve dhe të armëmbajtjes pa leje, pas informacioneve të marra në rrugë operative, në kuadër të operacionit “Kompleks”, u bë arrestimi në flagrancë i shtetasve:

K. K., 41 vjeç, banues në fshatin Drenovicë, Dimal;

K. Z., 27 vjeç, banues në fshatin Tapi, Kuçovë.

Gjatë operacionit, shërbimet e Policisë kanë ushtruar kontroll në ambientet e lokalit që 41-vjeçari kishte në posedim, ku gjetën dhe sekuestruan:

1 armë zjarri automatik, një sasi lënde narkotike kanabis, 1 peshore elektronike, 30 fishekë luftarak.

Në vijim, u ushtrua kontroll në banesën e shtetasit K. Z., i cili ishte me masë sigurie “Arrest në shtëpi”, ku u gjet dhe u sekuestrua një sasi tjetër lënde narkotike kanabis.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.





Lajmet e fundit nga