web counter
LEXO PA REKLAMA!

SHKARKO APP

App Store
Google Play

Falsifikuan inventarin dhe faturat/ Policia arreston 7 persona, në kërkim një tjetër

4 Nëntor 2025, 13:16, Kronika CNA

Falsifikuan inventarin dhe faturat/ Policia arreston 7 persona, në

Policia e Tiranës ka ekzekutuar masat e sigurisë për 7 persona për të cilët më herët prokuroria lëshoi masat e arrestit.

Gjithashtu vijon puna për kapjen e një shtetasi tjetër, të shpallur në kërkim.

Këta persona dyshohet se falsifikuan dokumente për të përfituar para nga fondi i barnave të rimbursueshme.

 

Njoftimi i policisë

Ekzekutohen masa sigurie për 7 shtetas, të cilët për llogari të 2 depove farmaceutike, falsifikuan dokumente për të përfituar para nga fondi i barnave të rimbursueshëm.

Punohet për kapjen e një shtetasi tjetër të implikuar në këtë veprimtari.

Në vijim të një hetimi me metoda speciale, specialistët për Hetimin e Krimit Ekonomik dhe Financiar, në bashkëpunim me Prokurorinë e Tiranës, ekzekutuan për shtetasit:

-S. Z., 54 vjeç, masën “Arrest në burg”, për veprat penale “Falsifikim i dokumenteve” dhe “Fshehja e të ardhurave”;

-A. Z., 30 vjeçe, J. B., 33 vjeçe dhe L. B., 32 vjeçe, masat “Ndalimi i daljes jashtë shtetit” dhe “Detyrim për t’u paraqitur në Policinë Gjyqësore”, për veprat penale “Falsifikimi i dokumenteve” dhe “Fshehja e të ardhurave”;

-Z. M., 38 vjeçe dhe E. Gj., 27 vjeçe, masat “Ndalimi i daljes jashtë shtetit” dhe “Pezullimi i ushtrimit të një detyre apo shërbimi publik”, për veprën penale “Falsifikimi i dokumenteve”;

-R. A., 35 vjeçe, masën “Detyrimi për t’u paraqitur në Policinë Gjyqësore”, për veprën penale “Falsifikimi i dokumenteve”.

Më tej, u shpall në kërkim shtetasi F. M., 39 vjeç, për të cilin Gjykata ka caktuar masën “Arrest në burg”, për veprat penale “Falsifikimi i dokumentave” dhe “Fshehja e të ardhurave”. Punohet për kapjen e tij./CNA





Lajmet e fundit nga