web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi i 36-vjeçarit në fshatin Gjorm/ Shpallet në kërkim kushëriri i tij si autor i dyshuar

1 Nëntor 2025, 22:16, Kronika CNA

Ekzekutimi i 36-vjeçarit në fshatin Gjorm/ Shpallet në

Disa persona janë shoqëruar në polici lidhur me vrasjen që tronditi mbrëmjen e sotme Selenicën. Viktimë mbeti 36-vjeçari D.A., ndërsa autori i vrasjes dyshohet se është djali i xhaxhit të tij, B.A., i cili është shpallur në kërkim nga policia.

Në njoftimin e policisë, thuhet se pas kryerjes së krimit, shtetasi B. A. është larguar drejt zonës malore përreth, ku dyshohet se fshihet.

Njoftimi i policisë:

Në vijim të informacionit paraprak të dhënë më herët, nga veprimet e para hetimore është bërë e mundur identifikimi i autorit të dyshuar të ngjarjes, shtetasit B. A., i cili dyshohet se në fshatin Gjorm ka vrarë me armë zjarri kushëririn e tij, shtetasin D. A.

Pas kryerjes së krimit, shtetasi B. A. është larguar drejt zonës malore përreth, ku dyshohet se fshihet.

Strukturat e Drejtorisë Vendore të Policisë Vlorë po vijojnë punën intensive për lokalizimin dhe kapjen e autorit të dyshuar, ndërsa nën drejtimin e Prokurorisë vijojnë veprimet hetimore për dokumentimin e plotë të ngjarjes.

I shpalluri në kërkim për vrasjen dyshohet se ishte i përfshirë një vrasje të ndodhur në vitin 2015, ngjarje e njohur si “masakra e Çoles”. Ndërkohë bëhet me dije se një nga të shoqëruarit në komisariat është edhe kryeplaku i fshatit Gjorm, ku ndodhi ngjarja.

Më herët u raportua se viktima, ka marrë 6 plumba në pjesën e kraharorit dhe barkut. Ai ishte banues në Fier, por kishte shkuar për vizitë te djali i xhaxhait. Sipas informacioneve, viktima nuk ka precedentë penalë, ndërsa mbeten mister shkaqet e vrasjes. /CNA





Lajmet e fundit nga