web counter
LEXO PA REKLAMA!

SHKARKO APP

E fundit!

x

Vrasja në fshatin Gjorm të Selenicës/ Policia: 36-vjeçari u gjet i pajetë nga familjarët

1 Nëntor 2025, 21:13, Kronika CNA

Vrasja në fshatin Gjorm të Selenicës/ Policia: 36-vjeçari

Policia e Vlorës ka reaguar zyrtarisht lidhur me vrasjen e ndodhur mbrëmjen e sotme në fshatin Gjorm të Vlorës. Sipas informacioneve policore, 36-vjeçari me inicialet D.A., banues në Fier, është gjetur pa shenja jete nga familjarët e tij.

Gjatë këqyrjes së trupit, 36-vjeçarit i janë konstatuar plagë të dyshuara të shkaktuara me armë zjarri. Policia dhe grupi hetimor ndodhen në vendin e ngjarjes për të zbardhur rrethanat e kësaj ngjarjeje, si dhe për identifikimin dhe kapjen e autorit.

Njoftimi i policisë:

Vlorë/ Informacion paraprak

Sot, në fshatin Gjorm, Vlorë, në rrethana ende të paqarta, është gjetur pa shenja jete nga familjarët e tij, shtetasi D. A., 36 vjeç, banues në Fier. Nga veprimet paraprake, gjatë këqyrjes së trupit, i janë konstatuar plagë të dyshuara të shkaktuara me armë zjarri.

Grupi hetimor, nën drejtimin e Prokurorisë, po kryen këqyrjen e vendit të ngjarjes dhe të gjitha veprimet hetimore për zbardhjen dhe dokumentimin e plotë të kësaj ngjarjeje, si dhe për identifikimin dhe kapjen e autorit. /CNA





Lajmet e fundit nga