web counter
LEXO PA REKLAMA!

SHKARKO APP

App Store
Google Play

Policia u bën apel qytetarëve: Kujdes nga mesazhet mashtruese që imitojnë faqen e Postës Shqiptare

30 Tetor 2025, 16:05, Kronika CNA

Policia u bën apel qytetarëve: Kujdes nga mesazhet mashtruese që

Drejtoria e Hetimit të Krimit Kibernetik pranë Policisë së Shtetit informon qytetarët se së fundi po qarkullojnë mesazhe dhe lidhje (linqe) të rreme, që imitojnë faqen zyrtare të Postës Shqiptare dhe kërkojnë nga përdoruesit, të dhënat e tyre personale dhe bankare.

Përmes një njoftimi nga Policia e Shtetit, theksohet se kjo është një tentativë mashtrimi kibernetik (phishing), që ka si qëllim përfitimin e paautorizuar të të dhënave personale, numrave të kartave bankare apo kodeve të aksesit në llogari online.

"Drejtoria e Hetimit të Krimit Kibernetik apelon për kujdes të shtuar:

• Mos klikoni në lidhje (linqe) të dyshimta të dërguara përmes email-it, SMS-ve apo rrjeteve sociale;

• Mos jepni asnjëherë të dhëna personale, numra kartash, PIN apo fjalëkalime në faqe që nuk janë zyrtare;

• Kontrolloni gjithmonë adresën e saktë të faqes përpara se të kryeni çdo veprim online;

• Në rast dyshimi, raportoni menjëherë pranë Policisë së Shtetit ose Drejtorisë së Hetimit të Krimit Kibernetik",-thuhet në njoftim./CNA

 





Lajmet e fundit nga