web counter
LEXO PA REKLAMA!

SHKARKO APP

App Store
Google Play

Vrasja në Komunën e Parisit/ Policia zbardh detaje rreth autorit

29 Tetor 2025, 08:57, Kronika CNA

Vrasja në Komunën e Parisit/ Policia zbardh detaje rreth autorit

Policia e Tiranës ka zbardhur detaje rreth vrasjes së një dite më parë në një lokal në Komunën e Parisit.

Policia ka zbuluar se autori, shtetasi F.Sh., ka qenë i dënuar më parë për posedim të armëve të ftohta.

"Në vijim të veprimeve procedurale të kryera në lidhje me ngjarjen e ndodhur pasditen e djeshme, në Komunën e Parisit, ku shtetasi F. Sh. dyshohet se vrau me mjet prerës (thikë), shtetasin I. I., 36 vjeç, gjatë një konflikti për motive të dobëta, në ambientet e lokalit ku punonin të dy, specialistët e Seksionit për Hetimin e Krimeve ndaj Personit, në bashkëpunim me shërbimet e Komisariatit e Policisë Nr. 2 dhe me shërbimet e  Forcës së Posaçme “Shqiponja”, kryen arrestimin në flagrancë të shtetasit F. Sh., 41 vjeç, për veprat penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta”.

Gjithashtu, gjetën dhe sekuestruan me cilësinë e provës materiale, mjetin prerës (thikë), me të cilin dyshohet se shtetasi F. Sh. kreu vrasjen.

Nga verifikimet e mëtejshme rezultoi se autori i dyshuar i vrasjes, shtetasi F. Sh., i cili u kap menjëherë pas krimit, ishte i dënuar më parë, për veprën penale “Prodhimi, mbajtja, blerja apo shitja pa leje e armëve të ftohta", njofton policia. / CNA

 





Lajmet e fundit nga