web counter
LEXO PA REKLAMA!

SHKARKO APP

App Store
Google Play

E fundit!

x

Ndodhej në qeli për vrasjen e bashkëshortes/ Shtetasi amerikan i jep fund jetës në IEVP-në e Shkodrës

28 Tetor 2025, 17:46, Kronika CNA

Ndodhej në qeli për vrasjen e bashkëshortes/ Shtetasi amerikan i

I paraburgosuri Ronald Saporito ka dhënë fund jetës duke u vetëvarur në ambientet e IEVP-së Shkodër.

Shtetasi amerikan, Saporito akuzohej për “Vrasje për shkak të marrëdhënieve familjare” pasi në muajin maj të këtij viti vrau bashkëshorten në apartamentin që kishin marrë me qira në Shkodër.

Sipas njoftimit Ronald Saporito u gjet me shenja jete nga punonjësit, por ndërroi jetë rrugës për në spital.

 

"Në IEVP Shkodër, më datë 28 tetor 2025, i paraburgosuri Brendon Ronald Saporito është gjetur i varur në dhomën e tij nga bashkëvuajtësit. Punonjësit e institucionit e kanë nxjerrë me puls dhe me shenja jete drejt urgjencës, ku stafi mjekësor i ka dhënë ndihmën e parë. Pavarësisht ndërhyrjes së menjëhershme nga Spitali i Koplikut dhe përpjekjeve të stafit mjekësor, i paraburgosuri nuk ka arritur të mbijetojë.

Brendon Ronald Saporito, i datëlindjes 22.04.1968, i biri i Joesph Binald Saporita dhe Marichea (Klein) Saporita, ndodhej në IEVP Shkodër për efekt të vendimit të Gjykatës Shkallës Parë Shkodër, e cila i kishte caktuar masën e sigurisë “Arrest në burg”, i dyshuar për veprën penale “Vrasje për shkak të marrëdhënieve familjare”. Ai ishte arrestuar më 02.05.2025 dhe ishte sjellë në institucion më 04.05.2025.

Ngjarja është raportuar menjëherë autoriteteve kompetente, dhe po kryhen të gjitha veprimet hetimore për sqarimin e plotë të rrethanave. Drejtoria e IEVP Shkodër po bashkëpunon ngushtë me Prokurorinë dhe Shërbimin e Kontrollit të Brendshëm në Burgje për dokumentimin e plotë të ngjarjes," thuhet në njoftim./CNA

 

 

 

 

 

 





Lajmet e fundit nga