web counter
LEXO PA REKLAMA!

SHKARKO APP

App Store
Google Play

Ofroi para për të mos marrë gjobë për telefonin/ Procedohet 28-vjeçari në Durrës

29 Tetor 2025, 13:04, Kronika CNA

Ofroi para për të mos marrë gjobë për telefonin/

Një 28-vjeçar është proceduar penalisht, pasi ofroi para për të mos u ndëshkuar administrativisht për përdorim të celularit gjatë drejtimit të automjetit.

Ndalimi i automjetit u bë në Rrugën e Doganës, ku shtetasi E.H., banues në Tiranë, tentoi të jepte para në drejtim të punonjësve të qarkullimit rrugor.

Ndaj tij është ngritur procedimi për veprën penale “Korrupsioni aktiv i personave që ushtrojnë funksione publike”.

Njoftimi:

 

 

Gjatë patrullimit me objektiv parandalimin e aksidenteve dhe ndëshkimin e shkelësve të rregullave të qarkullimit rrugor, shërbimet e Policisë Rrugore të Durrësit i bënë shenjë ndalimi, në Rrugën e Doganës, automjetit me drejtues shtetasin E. H., 28 vjeç, banues në Tiranë, i cili u kap duke përdorur celularin.

Për të shmangur masën administrative për këtë shkelje, ai iu ka ofruar punonjësve të Policisë, një shumë lekësh.

Në përfundim të veprimeve procedurale për këtë rast, nisi procedimi në gjendje të lirë për 28-vjeçarin, për veprën penale “Korrupsioni aktiv i personave që ushtrojnë funksione publike”.

Materialet procedurale iu referuan Prokurorisë së Durrësit, për veprime të mëtejshme./CNA 





Lajmet e fundit nga