web counter
LEXO PA REKLAMA!

SHKARKO APP

App Store
Google Play

Bashkëpunëtor për transportin e 16 kg kanabis drejt Greqisë/ Vihet në pranga 37-vjeçari në Korçë

30 Tetor 2025, 14:52, Kronika CNA

Bashkëpunëtor për transportin e 16 kg kanabis drejt Greqisë/

Një 37-vjeçari i shpallur në kërkim u kap dhe u vu në pranga në kuadër të operacionit policor të koduar “Cross Border” për goditje në fushën e narkotikëve.

Shtetasit D. M., i ishte caktuar masa e sigurisë “Arrest në burg”.

Ky shtetas dyshohet si bashkëpunëtor i 46-vjeçarit që u kap gjatë operacionit, duke transportuar 16 kg lëndë narkotike kanabis, drejt Greqisë.

Njoftimi i Policisë:

Si rezultat i punës intensive të kryer nga strukturat e DVP Korçë, në vijim të operacionit të koduar “Cross Border”, i zhvilluar 4 ditë më parë, pas disa javësh hetime me metoda proaktive, për goditjen e veprimtarive kriminale të kultivimit, prodhimit dhe trafikimit të lëndëve narkotike, drejt shtetit grek, u bë ndalimi i shtetasit të shpallur në kërkim në kuadër të këtij operacioni:

D. M., 37 vjeç, të cilit Gjykata e Korçës, më datë 29.10.2025, i ka caktuar masën e sigurisë "Arrest në burg", për veprat penale “Trafikimi i narkotikëve" dhe "Prodhimi dhe shitja e narkotikëve".

Nga hetimet dyshohet se shtetasi D. M. është bashkëpunonëtor i shtetasit J. B., i cili u kap në fshatin Vishociçë, Devoll, gjatë operacionit të zhvilluar 4 ditë më parë, duke transportuar 16 kg lëndë narkotike kanabis, drejt Greqisë.

Materialet procedurale i kaluan Pokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./CNA





Lajmet e fundit nga