web counter
LEXO PA REKLAMA!

SHKARKO APP

App Store
Google Play

Lëvizte me automjet për të shitur drogë/ E pëson 29-vjeçari në Lezhë

3 Nëntor 2025, 16:43, Kronika CNA

Lëvizte me automjet për të shitur drogë/ E pëson

Një 29-vjeçar është arrestuar në flagrancë në Lezhë, pasi lëvizte me automjet për të shitur lëndë narkotike. Në pranga është 29-vjeçari me iniciale A. T.

Gjatë një kontrolli nga shërbimet e Forcës së Posaçme Operacionale, në aksin rrugor “Kallmet – Ungrej”, 29-vjeçarit iu gjet në makinë një sasi kanabisi, e cila posedohej me qëllim shitjen.

Policia sekuestroi sasinë e lëndës narkotike, automjetin e 29-vjeçarit dhe 2 celularët e tij.

Njoftimi i policisë:

Lezhë/Vijojnë kontrolle për evidentimin dhe goditjen e veprimtarive kriminale në fushën e narkotikëve.

Lëvizte me automjet, për të shitur lëndë narkotike Cannabis Sativa, arrestohet 29-vjeçari.

Sekuestrohen sasia e lëndës që u gjet në automjet, automjeti tip “Nissan” dhe 2 celularët e të arrestuarit.

Në vijim të punës informative dhe operacionale, të kryer me objektiv parandalimin dhe goditjen e rasteve të kultivimit, prodhimit dhe shitjes së lëndëve narkotike, shërbimet e Forcës së Posaçme Operacionale i bënë shenjë ndalimi, në aksin rrugor “Kallmet – Ungrej”, automjetit tip “Nissan”, me drejtues shtetasin A. T..

Nga kontrolli, u gjet në automjet, një sasi lënde e dyshuar narkotike Cannabis Sativa, e cila posedohej me qëllim shitjen.

Në vijim të veprimeve procedurale për rastin, specialistët e Seksionit për Hetimin e Narkotikëve bënë arrestimin në flagrancë të shtetasit A. T., 29 vjeç, banues në Lezhë, për veprën penale “Prodhimi dhe shitja e narkotikëve”.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme. /CNA





Lajmet e fundit nga