web counter
LEXO PA REKLAMA!

SHKARKO APP

App Store
Google Play

E fundit!

x

Vodhën pajisjet e një lokali me vlerë 120 mijë lekë/ Arrestohen 2 shtetas në Elbasan

5 Nëntor 2025, 14:21, Kronika CNA

Vodhën pajisjet e një lokali me vlerë 120 mijë lekë/

Kapen dhe arrestohen dy autorët e dyshuar që vodhën pajisjet e një lokali në Elbasan, me vlerë 120 mijë lekë.

Ngjarja ndodhi në lagjen “28 Nëntori”.

Të dy bashkëpunëtorët, shtetasit Sh. Rr., 27 vjeç, dhe O. B., 43 vjeç dyshohet se kanë kryer një sërë vjedhjesh.

Njoftimi:

Shërbimet e Komisariatit të Policisë Elbasan, si rezultat i administrimit të pamjeve filmike të siguruara gjatë hetimeve për një rast vjedhjeje në lagjen “28 Nëntori”, identifikuan, kapën dhe vunë në pranga dy autorët e rastit, shtetasit Sh. Rr., 27 vjeç, dhe O. B., 43 vjeç.

Nga hetimet ka rezultuar se këta 2 shtetas, më datat 30.10.2025, 03.11.2025 dhe 04.11.2025, në bashkëpunim me njëri-tjetrin, kanë vjedhur pajisjet e një lokali (me vlerë rreth 120 000 lekë), në lagjen “28 Nëntori”, në pronësi të një shtetaseje.

Vijojnë hetimet për zbardhjen e vjedhjeve të tjera që dyshohet se mund të kenë kryer këta shtetas.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme./CNA





Lajmet e fundit nga