web counter
LEXO PA REKLAMA!

SHKARKO APP

App Store
Google Play

Nën hetim nga SPAK-u për korrupsion/ AMP arreston efektivin e "Rrugores" në Durrës

6 Nëntor 2025, 09:19, Kronika CNA

Nën hetim nga SPAK-u për korrupsion/ AMP arreston efektivin e

Efektivi i Policisë Rrugore G.H., është arrestuar nga policia pas një hetimi të nisur nga SPAK-u, pasi i mori një shtetasi 60 mijë lekë për t'i nxjerrë mjetin nga pika e bllokimit. Mbi efektivin rëndon akuza e “Korrupsionit pasiv të personave që ushtrojnë funksione publike".

Vijon hetimi i SPAK-ut për përfshirjen e mundshme të personave të tjerë.

 

Njoftimi i AMP:

Agjencia e Mbikëqyrjes Policore (Rajoni Durrës - Kavajë) në bashkëpunim me Prokurorinë e Posaçme Kundër Korrupsionit dhe Krimit të Organizuar ka arrestuar në flagrancë punonjësin e policisë G. H., me detyrë Trupë Shërbimi i Trafikut Urban dhe Interurban në DVP Durrës, i dyshuar për kryerjen e veprës penale “Korrupsion pasiv i personave që ushtrojnë funksione publike” parashikuar në nenin 259 të Kodit Penal.

Arrestimi në flagrancë u realizua pas veprimeve me metoda speciale të hetimit, ku u arrit të provohej se punonjësi i policisë duke shfrytëzuar funksionin organik në kundërshtim me ligjin, i ka kërkuar dhe i ka marrë shtetasit E.S., një shumë prej 60 000 lekë të reja (të sekuestruara në cilësinë e provës materiale), duke i premtuar në këmbim që do ti nxirrte mjetin nga pika e bllokimit, si dhe mosvendosjen e masës administrative.

Vijojnë veprimet hetimore në bashkëpunim me SPAK për përfshirjen e mundshme të personave të tjerë në këtë veprimtari kriminale./CNA





Lajmet e fundit nga