web counter
LEXO PA REKLAMA!

SHKARKO APP

App Store
Google Play

E fundit!

x

Shfrytëzonte dy shtetase kineze/ Pranga tutores në Tiranë

6 Nëntor 2025, 08:49, Kronika CNA

Shfrytëzonte dy shtetase kineze/ Pranga tutores në Tiranë

Një shtetase kineze është vënë në pranga në kryeqytet pasi shfrytëzonte për prostitucion dy të tjera. F. Z., akuzohet për shfrytëzim prostitucioni, ndërsa ndaj dy shtetaseve të tjera ndaj të cilave ka nisur hetimi rëndojnë akuzat "Prostitucion" dhe "Mbajtja e ambienteve për prostitucion". 

 

Njoftimi i Policisë:

Tiranë

Finalizohet operacioni policor i koduar “Foreign 3”, goditet një rast i shfrytëzimit të prostitucionit dhe një rast i përshtatjes së ambienteve, për prostitucion.         

Shfrytëzonte 2 shtetase kineze, për prostitucion, kapet dhe vihet në pranga 47-vjeçarja, shtetase kineze.   

Procedohen penalisht 2 shtetaset që ushtronin prostitucion, pasi kishin përshtatur apartamentin e tyre për këtë veprimtari kriminale.     

Specialistët e Seksionit për Hetimin e Trafiqeve të Paligjshme, në vijim të punës për goditjen e paligjshmërive në çdo formë të shfaqjes së tyre, bazuar në informacionet e siguruara për një rast prostitucioni, kanë organizuar dhe finalizuar në drejtimin e Prokurorisë së Tiranës, operacionin policor të koduar “Foreign 3”. Në kuadër të këtij operacioni:       

-u arrestua shtetasja kineze F. Z., 47 vjeçe, për veprën penale “Shfrytëzimi i prostitucionit”;  

-nisi procedimi penal për shtetaset kineze D. W., 44 vjeçe, dhe L. C., 46 vjeçe, për veprat penale “Prostitucioni” dhe “Mbajtja e ambienteve për prostitucion”.   

Shtetasja kineze F. Z., shfrytëzonte për prostitucion, 2 shtetaset e tjera kineze, të cilat e ushtronin këtë veprimtari kriminale në apartamentin ku banonin.    

Vijojnë hetimet për identifikimin e shtetasve të tjerë të përfshirë në këtë veprimtari kriminale./CNA

 

 

 





Lajmet e fundit nga