web counter
LEXO PA REKLAMA!

SHKARKO APP

App Store
Google Play

Nuk denoncuan vjedhjen e ndodhur në një lokal/ 6 të arrestuar në Tiranë

6 Nëntor 2025, 14:39, Kronika CNA

Nuk denoncuan vjedhjen e ndodhur në një lokal/ 6 të arrestuar

Policia e Tiranës ka vënë në pranga 6 persona, të akuzuar për moskallëzim krimi.

Të arrestuarit nuk kanë kallëzuar një vjedhje me dhunë të ndodhur mbrëmjen e djeshme në një lokal.

Gjithashtu policia sekuestroi 3 kompjuterë dhe 1 tavolinë që dyshohet se përdoreshin për organizimin e kundërligjshëm të lojërave të fatit.

Vijon puna për identifikimin dhe kapjen e autorëve të krimit.

 

Njoftimi i policisë

 

Specialistët për Hetimin e Krimeve të Komisariatit të Policisë Nr. 6 arrestuan shtetasit F. S., 49 vjeç, H. K., 44 vjeç, T. K., 29 vjeç, A. N., 41 vjeç, L. M., 45 vjeç dhe S. K., 49 vjeç, për veprën penale “Moskallëzim krimi”, pasi nuk kanë kallëzuar një vjedhje me dhunë, të kryer në orët e para të mëngjesit të djeshëm, në lokalin ku ata ndodheshin, në pronësi të shtetasit F. S., tek bulevardi i Kasharit.

Gjatë kontrolleve të ushtruara në ambientet e lokalit, u gjetën dhe u sekuestruan, si prova materiale, 3 kompjuterë dhe 1 tavolinë që dyshohet se përdoreshin për organizimin e kundërligjshëm të lojërave të fatit.

Vijon puna për identifikimin dhe kapjen e autorëve të vjedhjes dhe për dokumentimin e plotë të rastit.

Materialet procedurale i kaluan Prokurorisë, për veprime të mëtejshme.





Lajmet e fundit nga