web counter
LEXO PA REKLAMA!

SHKARKO APP

App Store
Google Play

Në kërkim ndërkombëtar/ Kapet 'skifteri' 33-vjeçar në Bubq

21 Nëntor 2022, 15:55, Kronika CNA
Në kërkim ndërkombëtar/ Kapet 'skifteri'
Foto ilustruese

Policia ka arrestuar në Bubq të Krujës një person të kërkuar ndërkombëtarisht, me qëllim ekstradimin drejt Italisë.

Konkretisht është vënë në pranga shtetasi me iniciale E. Sh., 33 vjeç, banues në Bubq.

Ndaj tij është caktuar masa e sigurisë "Arrest në burg" për vjedhje nga Gjykata e Avelinos.

“Krujë/Finalizohet operacioni policor i koduar "Vendndodhja”, i zhvilluar në bashkëpunim me Interpol Tiranën.

Kapet në Bubq, Krujë dhe vihet në pranga, me qëllim ekstradimin drejt Italisë, një 33-vjeçar i kërkuar ndërkombëtarisht për vjedhje me pasoja të rënda.

Në vijim të operacioneve të njëpasnjëshme, për lokalizimin dhe kapjen e personave të shpallur në kërkim, si dhe mbështetur nga inteligjenca informative për vendndodhjen e një shtetasi të kërkuar ndërkombëtarisht, shërbimet e Komisariatit të Policisë Krujë, në bashkëpunim me ZQK Interpol Tirana, finalizuan operacionin policor të koduar "Vendndodhja”, si rezultat i të cilit u bë kapja dhe arrestimi provizor, me qëllim ekstradimin drejt Italisë, i shtetasit:

- E. Sh., 33 vjeç, banues në Bubq, Krujë.

Gjykata e Avelinos, Itali, ka caktuar ndaj 33-vjeçarit, masën e sigurisë "Arrest në burg", për veprën penale “Vjedhja”, me pasoja të rënda, të parashikuar nga Kodi Penal i Italisë.

Materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme. Në bashkëpunim me ZQK Interpol Tirana, vijon puna për ekstradimin e shtetasit E. Sh., drejt Italisë”, thuhet në njoftim./ B.A. - CNA.al





Lajmet e fundit nga