web counter
LEXO PA REKLAMA!

SHKARKO APP

App Store
Google Play

Si ndodhi tragjedia në Bogë/ Djalin e përpiu rrjedha e lumit, babai u hodh ta shpëtonte

21 Nëntor 2022, 13:17, Kronika CNA

Si ndodhi tragjedia në Bogë/ Djalin e përpiu rrjedha e lumit,

Pjetër Rushaj humbi jetën tragjikisht ditën e djeshme së bashku me djalin e tij të mitur, pasi makina me të cilën udhëtonin u mor nga rrjedha e përroit në Malësinë e Madhe.

"Abc" ka zbardhur detaje në reja lidhur me biznesmenin Rushaj, i cili ishte i njohur për ndërtimet karakteristike të zonës alpine në Malësinë e Madhe dhe Dukagjin.

Ditën e djeshme, Rushaj ka qenë me "Benz"-in e tij duke udhëtuar në drejtim të fshatit Bogë të Malësisë së Madhe së bashku me djalin 14-vjeçar dhe vajzën e mitur.

Situata e reshjeve e ka shtyrë 50-vjeçarin, i cili kishte lënë Anglinë për të investuar në Shqipëri, të shkonte në fshatin Bogë ku kishte ndërtuar dy shtëpi së bashku me të vëllanë, të shikonte nëse kishte dëmtime në banesa.

Ai kishte marrë me vete edhe dy fëmijët e tij.

Në zonën e njohur si “Grykë Lugje” ishte tentuar të kalonte lumin, pasi në atë vend nuk ka urë, por qytetarët kalojnë përmes lumit.

Ujërat e rrëmbyer të lumit nuk e kanë lejuar të vazhdojë duke i ndaluar makinën "Benz".

Ai së bashku me djalin dhe vajzën kanë dalë nga mjeti, ndërsa vajzës i kishte thënë të shkonte në fshatin më të afërt të merrte kavo për të nxjerrë makinën.

Një valë e fuqishme e “Përroit të Thatë” ka rrëmbyer djalin e tij 14 vjeç, ndërsa Pjetër Rushaj është hedhur që ta shpëtojë të birin.

Asnjëri prej tyre nuk arriti që të dilte na uji.

Gjetja e trupave është bërë e mundur ditën e sotme pas 16 orësh kërkime, rreth 300 metra më poshtë makinës.

14-vjeçari J.Rushaj ka qenë pjesë e ekipit të Akademisë së Futbollit "Djelmnia Shkodrane.”





Lajmet e fundit nga