web counter
LEXO PA REKLAMA!

SHKARKO APP

App Store
Google Play

Kërkime me dron për gjetjen e babait dhe djalit që i mori rrjedha e ujit në Bogë

21 Nëntor 2022, 08:43, Kronika CNA

Kërkime me dron për gjetjen e babait dhe djalit që i mori rrjedha

Një ngjarje e rëndë është regjistruar dje në Qarkun e Shkodrës.

Rrjedha e ujit ka marrë makinën me të cilën udhëtonin babai me dy fëmijët në Bogë të Malësisë së Madhe. 

Vajza ka shpëtuar mrekullisht duke mundur të dalë nga makina, e ndihmuar dhe nga një banor i zonës, ndërsa vijojnë kërkimet për gjetjen e babë e bir.

Ditën e sotme do të nisin kërkimet me dron.

“Shërbimet e Komisariatit të Policisë Malësisë e Madhe kanë marrë informacion se në vendin e quajtur 'Grykë Lugje', në njësinë administrative Shkrel, Malësi e Madhe, rrjedha e ujit të përroit kishte marrë përpara një automjet me të cilin udhëtonin tre persona, banorë të zonës, (babai, djali dhe vajza).

Në momentin që rrjedha e ujit ka marrë përpara automjetin që drejtohej nga shtetasi P. R., rreth 50 vjeç, vajza ka mundur të dalë dhe është ndihmuar nga një banor i zonës. Vajza ndodhet jashtë rrezikut për jetën, ndërsa babanë e vajzës dhe vëllanë e saj i ka marrë rrjedha e ujit.

Në vendngjarje ndodhen polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësi e Madhe, të cilët po punojnë për gjetjen e dy shtetasve (babë e bir)”, ka raportuar një ditë më parë Policia./CNA.al





Lajmet e fundit nga