web counter
LEXO PA REKLAMA!

SHKARKO APP

App Store
Google Play

I dënuar më parë për vrasje/ Arrestohet 28-vjeçari që lëvizte i armatosur në Durrës

30 Mars 2026, 09:05, Kronika CNA

I dënuar më parë për vrasje/ Arrestohet 28-vjeçari

Një 28-vjeçar është arrestuar në Durrës pasi lëvizte i armatosur më armë zjarri. Në pranga është vënë shtetasi E.V., i dënuar më parë për vrasje dhe armëmbajtje pa leje.

Sipas informacioneve policore, është proceduar penalisht dhe drejtuesi i automjetit në të cilin u ndalua 28-vjeçari. Shtetasi A. L., 25 vjeç, banues në Shijak, u procedua në gjendje të lirë, për veprën penale “Moskallëzimi i krimit”.  

Njoftimi i policisë:

Durrës/Finalizohet operacioni policor i koduar “Pasagjeri”.

Lëvizte i armatosur me armë zjarri pistoletë, vihet në pranga 28-vjeçari, i dënuar më parë për vrasje dhe armëmbajtje pa leje.

Procedohet penalisht drejtuesi i automjetit, për moskallëzim të krimit.

Sekuestrohet arma e zjarrit pistoletë.

Shërbimet e Forcës së Posaçme “Shqiponja”, në vijim të punës për identifikimin dhe ndalimin e shtetasve që qarkullojnë me armë pa leje, bazuar edhe në informacionet e siguruara në rrugë operative, për një rast të kësaj veprimtarie kriminale, organizuan dhe finalizuan operacionin e koduar “Pasagjeri”.

Gjatë operacionit, në lagjen nr. 13, Durrës, u ndalua automjeti me drejtues shtetasin A. L., ku dyshohej se lëvizte si pasagjer një shtetas i armatosur, shtetasi E. V.

Gjatë kontrollit fizik, shtetasit E. V., pasagjer në këtë automjet, iu gjet 1 armë zjarri pistoletë, me municion luftarak, që ai e posedonte pa leje.

Në përfundim të veprimeve procedurale, shtetasi E. V., 28 vjeç, banues në Shijak, u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Ndërsa shtetasi A. L., 25 vjeç, banues në Shijak, u procedua në gjendje të lirë, për veprën penale “Moskallëzimi i krimit”.

Materialet procedurale iu kaluan Prokurorisë së Durrësit, për veprime të mëtejshme. /CNA





Lajmet e fundit nga