web counter
LEXO PA REKLAMA!

SHKARKO APP

App Store
Google Play

E fundit!

x

Plagosën pronarin e një servisi me gërshërë e bisturi/ Në pranga 3 persona në Korçë

29 Mars 2026, 12:21, Kronika CNA

Plagosën pronarin e një servisi me gërshërë e bisturi/

Vihen në pranga 3 autorët e dyshuar të ngjarjes së djeshme që u konfliktuan për motive të dobëta dhe dëmtuan me mjet prerës dhe sende të forta pronarin e një servisi automjetesh.

Nën arrest u vunë shtetasit: E. D., 39-vjeç; E. Th., 40-vjeç; L. M., 34-vjeç.

Po ashtu u procedohet penalisht edhe pronari i servisit pasi gjatë përfshirjes në konflikt, pasi dëmtoi lehtë me mjet prerës dy prej autorëve.

Njoftimi:

Në vijim të informacionit paraprak të dhënë dje, për një konflikt midis disa shtetasve të ndodhur në lagjen nr. 10, Korçë, në përfundim të veprimeve të kryera për zbardhjen dhe dokumentimin e këtij rasti, bëjmë me dije se specialistët për Hetimin e Krimeve të Komisariatit të Policisë Korçë arrestuan në flagrancë shtetasit:

-E. D., 39-vjeç, banues në Korçë;
-E. Th., 40-vjeç, banues në Tiranë;
-L. M., 34-vjeç, banues në Korçë.

Gjithashtu u referuan materialet në Prokurori, ku filloi procedimi penal për shtetasin R. Xh., 35 vjeç, banues në Korçë (pronari i servisit) për veprën penale “Plagosja e lehtë me dashje”.

Nga verifikimet e kryera rezulton se tre shtetasit e lartpërmendur kanë shkuar me një automjet tek servisi i shtetasit R. Xh., të cilin për motive të dobëta (pakënaqësi për një shërbim të kryer nga pronari i servisit) e kanë goditur me sende të forta dhe e kanë dëmtuar me mjet prerës. Gjithashtu edhe 35-vjeçari R. Xh., gjatë konfliktit ka dëmtuar lehtë me mjet prerës (gërshërë pune) shtetasit E. Th., dhe L. M.

Në cilësinë e provës materiale u sekuestruan automjeti dhe mjetet prerëse (një bisturi-thikë dhe një gërshërë).

Pas ndihmës mjekësore të marrë në spitalin e Korçës, të dëmtuarit janë larguar në banesa.

Materialet procedurale iu referuan Prokurorisë së Korçës, për veprime të mëtejshme./CNA





Lajmet e fundit nga