web counter
LEXO PA REKLAMA!

SHKARKO APP

App Store
Google Play

Zbulohet magazina e drogës në Shijak/ 4 të arrestuar, një prej tyre punonjës i OSHEE-së

29 Mars 2026, 10:14, Kronika CNA

Zbulohet magazina e drogës në Shijak/ 4 të arrestuar, një

Shërbimet e Policisë kanë zbuluar një magazinë, të marrë me qira nga shtetasi J. Gj., në lagjen “Popullore”, Shijak, të cilin e kishin përshtatur për kultivimin e bimëve narkotike, me pajisje që furnizoheshin me lidhje të paligjshme të energjisë elektrike.

Nga kontrollet në këtë ambient u gjetën dhe u sekuestruan, në cilësinë e provës materiale, 180 vazo ku më parë ishin kultivuar bimë narkotike kanabis, por që ishin prerë para se të ndërhynte Policia, boçe dhe mbetje të dyshuara lënde narkotike kanabis, pompë uji, filtër ajrimi, tub për aspirim, 7 llamba elektrike, 7 ventilatorë, 16 paketa të energjisë elektrike, bllok siguresash dhe pajisje të tjera ndihmëse që shërbenin për kultivimin e bimëve narkotike.

Në vijim të veprimeve për rastin, u arrestuan në flagrancë 4 shtetas:

L. K., 54-vjeç, dhe J. Gj., 31-vjeç, pasi dyshohen për veprën penale “Kultivimi i bimëve narkotike”, kryer në bashkëpunim;

S. D., 24-vjeç, pasi dyshohet për veprën penale “Moskallëzimi i krimit”;

R. B., 61-vjeç, për veprën penale “Shpërdorimi i detyrës”.

Si dhe u shpall në kërkim shtetasi D. K., 25-vjeç,(djali i shtetasit L. K),  i cili dyshohet për veprën penale “Kultivimi i bimëve narkotike”, kryer në bashkëpunim.

Nga veprimet hetimore dyshohet se shtetasi L. K., në bashkëpunim me djalin e tij, shtetasin D. K., i kishin dhënë me qira një ambient të mbyllur shtetasit J. Gj., të cilin, në bashkëpunim me njëri-tjetrin, e kishin përshtatur me qëllim kultivimin e bimëve narkotike.

Ndërsa shtetasi R. B. (punonjës i OSHEE-së) dyshohet se nuk ka raportuar lidhjen e paligjshme të energjisë elektrike në atë ambient.

Ndërkohë shtetasi S. D, dyshohet se kishte dijeni për këtë veprimtari kriminale që zhvillohej në atë ambient dhe nuk e ka kallëzuar.

Vijon puna për kapjen e 25-vjeçarit dhe dokumentimin e plotë të kësaj veprimtarie kriminale.

Materialet procedurale iu referuan Prokurorisë së Durrësit, për veprime të mëtejshme./CNA





Lajmet e fundit nga