web counter
LEXO PA REKLAMA!

SHKARKO APP

App Store
Google Play

E fundit!

x

"Si një djalë i qetë u shndërrua në një vrasës të pamëshirshëm"/ Daily Mail artikull për Ruben Saraivën

29 Mars 2026, 19:52, Kronika CNA

"Si një djalë i qetë u shndërrua në një

Media britanike “Daily Mail” i ka kushtuar një tjetër artikull portugezit, Ruben Saraiva, personit që ekzekutoi Ardian Nikulajn në mes të ditës në lokalin e tij në Shëngjin.

Prestigjiozja britanike e nis artikullin me vrasjen që tronditi Lezhën dhe jo vetëm, vrasje kjo e kryer në vazhdën e gjakmarrjes mes dy familjeve shqiptare, e cila ka zgjatur pothuajse tre dekada dhe ka marrë tashmë nëntë jetë.

“Në një drekë pranvere në vitin 2023, një burrë i veshur si shpërndarës picash hyri në një hotel me pesë yje në një vendpushim bregdetar shqiptar, i tha mirëmëngjes pronarit që ishte ulur duke pirë kafe dhe e qëlloi gjashtë herë nga afër me një pistoletë automatike të prodhimit sovjetik. Vrasja me gjakftohtësi, e cila u filmua nga kamerat e sigurisë, ishte vrasja e shtatë në një gjakmarrje tre-dekadëshe midis dy familjeve në shtetin ballkanik. Por për herë të parë, kjo vrasje për gjakmarrje ishte një operacion i udhëhequr nga britanikët. Personi i armatosur, Ruben Saraiva, u rrit në rrethinat e qeta të Londrës dhe dyshohet se u ndihmua nga një skuadër vrasësish britanike me katër anëtarë, të cilët vepronin si ekipi i tij i mbikëqyrjes “, thuhet në artikull.

Më tej, Daily Mail ka vijuar me përshkrimin e jetës së portugezit, ku shkruhet se Ruben Saraiva, u kthye nga një djalë i qetë në një vrasës me pagesë për një familje kriminale shqiptare në Angli. Dy prindërit e tij janë shprehur të habitur për atë që kishtë bërë djali i tyre.

“Saraiva është djali i prindërve portugezë, një baba ish-futbollist dhe nënë infermiere. Të dy përshkruhen si njerëz të sjellshëm dhe punëtorë, të cilët thuhet se janë të habitur nga ajo që i ndodhi djalit të tyre. Një nga burimet e afërta familjare tha për Dily Mail: “Ne jemi njerëz të mirë, ne nuk jemi kriminelë. Edhe Rubeni është i tillë. Ne mbetëm të shtangur.

Saraiva u zhvendos nga Portugalia në Mbretërinë e Bashkuar me të atin kur ishte katër vjeç. Kur nëna e tij erdhi në Mbretërinë e Bashkuar katër vjet më vonë, ai e ndau kohën midis babait të tij, i cili jetonte në periferi të Reading, Berkshire, dhe nënës së tij që u vendos në Lewisham, në juglindje të Londrës. 

Fotografitë e Saraivës në rininë e tij e tregojnë të veshur me kostum dhe kravatë. Ai u rrit si Dëshmitar i Jehovait. Ai nuk dilte në rrugë kur ishte fëmijë i vogël, pasi nëna e tij nuk e lejonte. Saraiva i tha gazetës Mail se kishte një rritje normale dhe se ajo përbëhej kryesisht nga loja e futbollit dhe ndjekja e shkollës.

 

"Si një djalë i qetë u shndërrua në një
Foto e publikuar nga Daily Mail

 

Në adoleshencën e tij të vonë, ai e surprizoi nënën e tij duke shkuar të jetonte me të atin gjatë gjithë kohës dhe njerkën në Reading, ku ai ndoqi kolegjin dhe punoi në një depo Tesco. Ishte gjithashtu vendi ku jeta e tij mori një kthesë të errët.

"Si një djalë i qetë u shndërrua në një
Foto e publikuar nga Daily Mail

Në moshën 17 vjeç, ai dhe një tjetër u kapën duke shitur kokainë dhe heroinë me një vlerë prej më shumë se 600 paundësh në Wokingham aty pranë. Ai mori një dënim me kusht në Gjykatën e Reading në vitin 2013 dhe më pas u kthye për të jetuar me nënën e tij. Në fillim gjithçka shkoi mirë, dhe ai ndoqi kurse ndërtimi dhe elektricisti dhe filloi një praktikë pune.

Por ai u rikthye shumë shpejt në telashe pasi goditi me thikë një 17-vjeçar gjatë një sherri me thikë. Ai u burgos për disa vjet, pasi u dënua për plagosje me dashje, dhe ata besojnë se gjatë kohës që ishte pas hekurave ai pati kontaktin e parë me botën e krimit shqiptar”, thuhet ndër të tjera në artikullin e medias britanike.

Saraiva kishte fluturuar nga Londra për në Shqipëri dy muaj para sulmit të prillit 2023. Mes masave të rrepta sigurie në Gjykatën e Lezhës, gjyqtari vendosi ta dënojë Saraivën me burgim të përjetshëm. /CNA





Lajmet e fundit nga