web counter
LEXO PA REKLAMA!

SHKARKO APP

App Store
Google Play

DETAJE nga vrasja e Gëzim Sinomatit/ Ku e vodhën autorët makinën, lëshohet urdhër-arresti

12 Janar 2024, 11:51, Kronika CNA
DETAJE nga vrasja e Gëzim Sinomatit/ Ku e vodhën autorët
Gëzim Sinomati

Detaje të reja kanë dalë nga vrasja me snajper në Vlorë, ku mbeti i vrarë Gëzim Sinomati, 23 vjeç. 

Mësohet se makina e përdorur në vrasjen në Vlorë që më pas u dogj nga autorët e ngjarjes rezulton që të jetë e vjedhur më përpara në Shkodër. Edhe targat e vendosura ishin gjithashtu të vjedhura, por nuk dihet akoma ku saktësisht. Tashmë hetuesit kanë zgjeruar rrezen e kërkimit dhe vëzhgimin e kamerave të sigurisë.

Ndërkohë, Policia e Vlorës ka lëshuar urdhër-arrest për një person në lidhje me këtë ngjarje të rëndë. 

Kush është Sokol Sinomati? 

Vrasja dyshohet të jetë kryer me pagesë nga persona të përgatitur më së miri për këtë ngjarje.  Gëzim Sinomati është djali i Sokol Sinomatit, i njohur ndryshe si "Buzëderri". 

Sokol Sinomati është njohur nga të gjithë si anëtar i bandës së Gazment Brrakës. Më shumë se 23 vite më parë ai zbriti nga makina e tij tip “Benz”, dhe qëlloi në mes të ditës me breshëri automatiku ndaj Sokol Nuhos, në atë kohë 29 vjeç. Ky i fundit ishte i armatosur, dhe prandaj i është kundërpërgjigjur për vetëmbrojtje duke qëlluar me pistoletë teksa qëndronte i ulur brenda në lokal.

Mirëpo, nga shënjestra e tij asnjë plumb nuk e preku. I vrarë aksidentalisht mbeti Luigj Xhafa, 42 vjeç, i cili po lëvizte me biçikletën e tij pak metra më tutje.

“Buzëderri” ishte larguar në drejtim të Radhimës, ku dhe u strehua në një nga vilat e plazhit. Ai u rrethua nga forca të shumta policie dhe për plot 3 orë nuk pranoi të dorëzohej./CNA 

 

 





Lajmet e fundit nga