web counter
LEXO PA REKLAMA!

SHKARKO APP

App Store
Google Play

E fundit!

x

Vrasja me snajper e Sinomatit, arrestohen disa persona në Vlorë

11 Janar 2024, 12:11, Kronika CNA
Vrasja me snajper e Sinomatit, arrestohen disa persona në Vlorë
Gëzim Sinomati

Policia e Vlorës ka arrestuar disa persona në lidhje me vrasjen me snajper të Gëzim Sinomatit, ngjarje e ndodhur disa ditë më parë. 

Të mërkurën, RENEA zbarkoi me kontrolle të shumta në qytetin e Vlorës pasi kishte dyshime se vrasësit e Gëzim Sinomatit, fshihen brenda në qytet. Nuk dihen ende identitetet e personave të arrestuar. 

Të martën u zhvillua ceremonia mortore e Gëzim Sinomatit, ku mori pjesë edhe babai i tij Sokol Sinomati i njohur me nofkën ‘Buzëderri’. Ky i fundit mori leje nga burgu, pasi ndodhet në qeli për vrasje që prej vitit 2000. 

Vrasja e Gëzim Sinomatit:

Vrasja dyshohet të jetë kryer me pagesë nga persona të përgatitur më së miri për këtë ngjarje. Deri më tani nuk janë gjendur as gëzhoja dhe as arma e krimit dhe policia nuk ka arrestuar asnjë person. 

Dyshohet se autorët kanë qenë me një makinë të llojit "BMW", e cila është djegur në pjesën e pasme të saj pasi ndërhyrja në kohë e zjarrfikëses ka bërë që mjeti të shpëtojë në një pjesë të tij.

Megjithatë në brendësi nuk është gjetur ndonjë provë e qenësishme.

Kush është Sokol Sinomati? 

Sinomati është njohur nga të gjithë si anëtar i bandës së Gazment Brrakës. Më shumë se 23 vite më parë ai zbriti nga makina e tij tip “Benz”, dhe qëlloi në mes të ditës me breshëri automatiku ndaj Sokol Nuhos, në atë kohë 29 vjeç. Ky i fundit ishte i armatosur, dhe prandaj i është kundërpërgjigjur për vetëmbrojtje duke qëlluar me pistoletë teksa qëndronte i ulur brenda në lokal.

Mirëpo, nga shënjestra e tij asnjë plumb nuk e preku. I vrarë aksidentalisht mbeti Luigj Xhafa, 42 vjeç, i cili po lëvizte me biçikletën e tij pak metra më tutje.

“Buzëderri” ishte larguar në drejtim të Radhimës, ku dhe u strehua në një nga vilat e plazhit. Ai u rrethua nga forca të shumta policie dhe për plot 3 orë nuk pranoi të dorëzohej./CNA 

 





Lajmet e fundit nga